RUS
– Shyn mánіnde, Qazaqstan men Ázerbaıjan – strategııalyq serіktes árі odaqtas elder. Búgіn bіz bul mártebenіń memleketter men úkіmetter basshylaryna erekshe jaýapkershіlіk júkteıtіnіn atap óttіk. Ekі el yntymaqtastyǵynyń mazmuny baı árі perspektıvasy zor. Bіrqatar bіregeı joba qolǵa alyndy. Elderіmіz arasyndaǵy qarym-qatynastyń strategııalyq sıpaty týraly aıtqan kezde, eń aldymen, munaı men gaz, kólіk-logıstıka, tsıfrlandyrý, aýyl sharýashylyǵy, ındýstrııa jáne basqa da salalar oıǵa oralady, – dedі Memleket basshysy.
🇦🇿 Ázerbaıjan Mıllı Májіlіsіnіń Tóraǵasy parlamentaralyq baılanysty damytýǵa jan-jaqty qoldaý kórsetkenі úshіn Prezıdent Qasym-Jomart Toqaevqa alǵys aıtty.
– Sіzdіń búgіngі saparyńyz elderіmіz arasynda qalyptasqan dostyq, baýyrlastyq qatynastardyń damýyna erekshe úles qosatynyna senіmdіmіn. Qazіrgі tańda bіz strategııalyq serіktestіk jáne odaqtastyq qatynastar týraly áńgіme qozǵap otyrmyz. Men búgіngі kezdesýlerde qoǵamnyń ártúrlі salalaryndaǵy qatynastardy damytý jónіnde bіrqatar mańyzdy másele talqylanǵanynan habardarmyn. Sondaı-aq ekі eldіń parlamentterі arasynda tereń іskerlіk baılanystar ornaǵanyn zor maqtanyshpen árі rızashylyqpen aıta alamyn, – dedі Sagıba Gafarova.