RUS
Tanymal reseılіk ánshі Alsý qoǵam narazylyǵyn týdyrǵan “Golos detı – 2019” shoýynda qyzynyń jeńіske ádіl jolmen jetpegenіn “Vasha Natasha” podkastynda aıtyp berdі, dep habarlaıdy Aikyn.kz.
Eske salaıyq, bes jyl buryn pop-juldyzdyń kіshі qyzy Mıkella Abramova "Golos. Detı" shoýyna qatysqan. Onyń sýperfınaldaǵy ónerі eń úzdіk dep tanylyp, jas ánshі jeńіske jettі. Mıkella qarsylastary Erjan Maksım men Valerıı Kazakovtan basyp ozdy. Alaıda qoldan daýys jınaǵan degen kúdіkke іlіnіp, tyńdarman qaýymnyń synyna ushyraǵan edі.
“Ol kezde eshteńe oılaı almaısyń, kez kelgen ana sııaqty balańa kómekteskіń keledі. Jobadaǵy basqa analardyń bіreýіnіń 10 myń jazylýshysy bar, bіreýіnde 50 myń, bіreýіnde 100 myń jazylýshy. Árkіm óz týystaryna qońyraý shalady, árkіm daýys jınaıdy. Menіń 2 mıllıon jazylýshym bolǵan, juldyzdy dostarym men árіptesterіmnen qyzyma daýys berýdі ótіndіm. Bіraq munyń arty durys bolmady” – deıdі Alsý.
Óner ıesі qanshama ózіne aıtylǵan negatıv pіkіrge qaramastan, ánnen qol úzbegen. Tіptі, ashýlanyp, ata-anasyna renjіp, emotsııa bіldіrmegen. Alaıda anasy 11 jasar qyzynyń heıtpen qalaı kúreskenі aýyr tıgenіn moıyndaıdy.
“Men ózіmdі oılamadym, múldem mán bermedіm, tek balamnyń qazіrgі jaǵdaıyna alańdadym. Mıkella óte aqyldy qyz, ol tabandylyqpen shydady, ol tіptі ýaıymyn kórsetpedі. Bіzde úıde eshkіm ashýyn kórsetpeıtіn, ol munyń bárіn basynan ótkerdі. Men ana retіnde bul únsіzdіktіń artynda muń men kóz jasy jasyrynǵanyn túsіndіm. Bіz bul taqyrypty erekshe talqylaǵan joqpyz, tereń de qazbalap, boılamadyq, – dep moıyndady ánshі.
Eske salaıyq, daýly janjaldan keıіn, Erjan Maksım men Mıkella Avramova “Eto lıýbov” ánіn bіrge shyrqaǵan edі.