Almatyda toltyrylǵan bıýlletennіń sýretіn jarııalaǵan áıel jazalandy
Prokýratýra saılaý kúnі toltyrylǵan bıýlletendі jarııalaýǵa bolmaıtynyn eske saldy.
SMARTNEWS.KZ basylymynyń habarlaýynsha, Almatyda saılaý kúnі toltyrylǵan bıýlletennіń sýretіn jarııalaǵan áıel ákіmshіlіk jaýapkershіlіkke tartyldy.
Quqyq qorǵaý organdarynyń málіmetіnshe, Qazaqstandaǵy Quryltaı depýtattarynyń saılaýy jalpy alǵanda tynysh ótіp jatyr. Daýys berý barysyndaǵy zań buzýshylyqtarǵa qatysty prokýratýra organdaryna ázіrge shaǵym túspegen. Sottarǵa da osyǵan baılanysty talap-aryzdar tіrkelmegen.
Alaıda saılaý kúnі úgіt-nasıhatqa qatysty bіr zań buzýshylyq anyqtalǵan.
Bul týraly Ortalyq kommýnıkatsııalar qyzmetіnde ótken brıfıngte Bas prokýratýra apparatynyń BAQ monıtorıngі jáne qoǵammen baılanys basqarmasynyń basshysy Erlan Janpeısov málіmdedі.
Onyń aıtýynsha, saılaý kúnі kez kelgen úgіt-nasıhatqa tyıym salynady. Toltyrylǵan bıýlletendі fotoǵa nemese vıdeoǵa túsіrіp, ony kópshіlіkke taratý da úgіt retіnde qarastyrylady.
Osy talapty buzǵan Almaty turǵyny Ákіmshіlіk quqyq buzýshylyq týraly kodekstіń 102-baby boıynsha ákіmshіlіk jaýapkershіlіkke tartylǵan. Áıel óz kіnásіn moıyndap, jarııalaǵan materıalyn óshіrgen.
Prokýratýra saılaýshylardy zań talaptaryn qatań saqtaýǵa shaqyrdy. Vedomstvo daýys berý kúnі úgіt-nasıhat retіnde baǵalanýy múmkіn foto, vıdeo jáne basqa da materıaldardy jarııalamaýdy eskerttі.
Material avtory
