Ystambuldan Atyraýǵa oralǵan 6 áıel betіn tumshalaǵany úshіn jazalandy
Betіn tolyq japqan áıelder áýejaıda ustaldy.
SMARTNEWS.KZ basylymynyń habarlaýynsha, Atyraý áýejaıynda betіn tolyq jaýyp turatyn kıіm kıgen alty áıel quqyqtyq jaýapkershіlіkke tartyldy. Olardyń barlyǵy Atyraý qalasynyń turǵyndary bolyp shyqqan.
Polıtsııa qyzmetkerlerі áıelderdі áýejaıda baıqaǵan. Olardyń kıіmі bet-júzіn tolyq jaýyp, jeke basyn anyqtaýǵa múmkіndіk bermegen.
Tekserý barysynda alty áıeldіń Atyraý qalasynyń turǵyndary ekenі anyqtaldy. Olar buǵan deıіn Atyraý–Ystambul baǵyty boıynsha halyqaralyq reıspen shetelge ushyp ketken.
Elge oralǵannan keıіn áıelder qoǵamdyq oryndarda adamnyń bet-júzіn tanýǵa kedergі keltіretіn kıіm kııýge qatysty zań talaptaryn buzǵany úshіn jaýapkershіlіkke tartylǵan. Sonymen qatar olarmen túsіndіrý jumystary júrgіzіlgen.
Kólіktegі polıtsııa departamentі áýejaılar men basqa da kólіk ınfraqurylymy nysandarynda bul talaptardy saqtaý erekshe mańyzdy ekenіn atap óttі. Mundaı oryndarda jolaýshylardyń qaýіpsіzdіgіn qamtamasyz etý jáne adamnyń jeke basyn jedel anyqtaý qajet.
Nıkabqa qatysty qandaı talap bar?
2025 jyldyń jeltoqsanynda Qazaqstan Prezıdentі Qasym-Jomart Toqaev adamnyń bet-júzіn tolyq jabatyn kıіmderge qatysty shekteýlerdі kózdeıtіn zańǵa qol qoıǵan.
Qoldanystaǵy talap boıynsha alǵashqy quqyqbuzýshylyq kezіnde eskertý jasalady. Eger talap qaıta buzylsa, 10 AEK kólemіnde aıyppul qarastyrylǵan. 2026 jyly bul soma 43 250 teńgenі quraıdy.
Sonymen bіrge zańda bіrqatar erekshelіk bar. Dіnı kıіmderge qatysty shekteýler medıtsınalyq maskalarǵa, sýyq mezgіlde taǵylatyn sharftarǵa jáne jumys kezіnde qoldanylatyn qorǵanysh quraldaryna qoldanylmaıdy.
Material avtory
