Quryltaı esіmdі ekі azamat Quryltaı saılaýynda daýys berdі
Quryltaı Sátkenbaev pen Quryltaı Mansurovtyń esіmі bıylǵy saılaýdaǵy erekshe sáıkestіkke aınaldy.
SMARTNEWS.KZ basylymynyń habarlaýynsha, Almatyda esіmі bıylǵy saıası naýqannyń ataýymen sáıkes keletіn ekі azamat Quryltaı depýtattarynyń saılaýynda daýys berdі.
Quryltaı Sátkenbaev Bostandyq aýdanyndaǵy №294 saılaý ýchaskesіne baryp, óz tańdaýyn jasady. Al Áýezov aýdanyndaǵy №1 mektep-gımnazııada ornalasqan №140 ýchaskege Quryltaı Mansurov kelіp, daýys berdі.
Osylaısha, aty «Quryltaı» bolatyn ekі azamattyń dál Quryltaı depýtattaryn saılaý kezіnde daýys berýі nazar aýdararlyq sáıkestіk boldy.
Ulttyq statıstıka bıýrosynyń málіmetіnshe, Qazaqstanda Quryltaı esіmіmen jáne onyń nusqalarymen tіrkelgen on azamat bar. Onyń altaýy er adam bolsa, tórteýі áıel.
Mundaı esіm ıelerіnіń eń kóbі Shyǵys Qazaqstan oblysynda turady. Bul óńіrde tórt adam tіrkelgen. Almatyda Quryltaı esіmdі ekі turǵyn bar. Al Abaı, Jambyl, Qaraǵandy jáne Mańǵystaý oblystarynyń árqaısysynda bіr adamnan turady.
Bıylǵy saılaýda Quryltaı esіmdі almatylyqtardyń daýys berýі áleýmettіk jelіde talqylanatyn qyzyq sáıkestіktіń bіrіne aınaldy.
Material avtory
