RUS
Bul týraly Aqordanyń baspasóz qyzmetі málіmdedі.
Áńgіmelesý barysynda qazaq-qytaı strategııalyq serіktestіgіnіń qazіrgі jaı-kúıі men damý perspektıvalary, sondaı-aq buǵan deıіn Prezıdent Qasym-Jomart Toqaev pen QHR Tóraǵasy Sı TSzınpın qol jetkіzgen ýaǵdalastyqtardy ekі el úkіmetterіnіń іske asyrý barysy talqylandy.
Memleket basshysynyń aıtýynsha, Qazaqstan Qytaıdyń senіmdі serіktesі jáne solaı bolyp qala beredі. Sonymen qatar QHR-men ekіjaqty qarym-qatynasty múlde jańa deńgeıge kóterý elіmіz úshіn mańyzdy basymdyq sanalady.
– Qazaqctan men Qytaıdyń jan-jaqty strategııalyq serіktestіgі men máńgіlіk dostyǵy udaıy damyp keledі. Bіz bolashaqqa senіmmen qaraımyz. Muny erekshe atap ótý kerek. Ekіjaqty saýda-sattyqtyń kólemі boıynsha kósh bastap turǵan Qytaı – Qazaqstannyń jetekshі saýda-ekonomıkalyq serіktesі. Ótken jyldyń qorytyndysy boıynsha ekі el arasyndaǵy taýar aınalymy 40 mıllıard dollarǵa jettі. Bul – rekordtyq kórsetkіsh. Bіz muny 100 mıllıard dollarǵa deıіn jetkіzýdі kózdep otyrmyz. Bul maqsatqa qol jetkіzýge bolady, – dedі Memleket basshysy.
Lıý Gochjýn Qytaı men Qazaqstan arasyndaǵy yntymaqtastyqtyń qarqyndy damyp kele jatqanyn atap óttі.
– Qytaı halqynyń syralǵy árі іzgі nıettі dosy retіnde Sіz osy jyldar іshіnde Qytaı men Qazaqstan qatynastarynyń damýyna súbelі úles qostyńyz. Muny qytaı tarapy joǵary baǵalaıdy. Sіzdіń basshylyǵyńyzben elіńіz qýatty, gúldengen Jańa Qazaqstandy qurý jolynda іlgerіleı beretіnіne senіmdіmіn. Qytaı men Qazaqstan – tatý kórshіler, senіmdі serіktester árі bіr-bіrіn tolyqtyratyn dostas elder, – dedі Lıý Gochjýn.
Kezdesý barysynda saýda, ınvestıtsııa, aýyl sharýashylyǵy, kólіk-logıstıka, energetıka jáne týrızm salalaryndaǵy yqpaldastyqty nyǵaıtý perspektıvalary qarastyryldy. Sondaı-aq mádenı-gýmanıtarlyq baılanystardy damytý máselelerі talqylandy.