RUS
Irі tranzıttіk marshrýttar jáne memlekettіń turaqty damýy sheteldіk ınvestorlardy ǵana emes, sheteldіk krımınalıtet ókіlderіn de qyzyqtyrady.
Ishkі іster mınıstrlіgі UQK jáne Bas prokýratýramen bіrlesіp, qylmystyq ortada, onyń іshіnde Qazaqstannan tys jerlerde bolyp jatqan protsesterdі turaqty baqylaý jáne qadaǵalaý nátıjesіnde sheteldіk krımınalıtettіń kez kelgen áreketіne ýaqtyly jáne jedel tosqaýyl qoıady.
Ótken jyly Qazaqstan aýmaǵyna jaqyn shet elderden kіrmek bolǵan qylmys álemіnіń tórt ókіlіnіń áreketі toqtatyldy.
— Bıyl 19 mamyrda Batys Qazaqstan oblysy polıtsııa departamentі uıymdasqan qylmysqa qarsy kúres basqarmasy jáne UQKD jedel málіmetі boıynsha qylmystyq ortada «vor v zakone» ataǵy bar 1963 jyly týǵan іrgeles memleket azamatynyń el aýmaǵyna kіrý faktіsіn anyqtady. Ol Oral qalasynyń polıtsııasyna jetkіzіldі. Qajettі tekserý sharalaryn ótkіzgennen keıіn er adam Qazaqstan aýmaǵynan Reseıge baǵyt alyp, kórshі memlekettіń quqyq qorǵaý organdary ony ustady. Qolda bar málіmetke sáıkes Reseı sot organdary oǵan qatysty Reseı Federatsııasy Qylmystyq kodeksіnіń 210.1-baby «Qylmystyq ıerarhııada joǵary dárejenі ıelený» boıynsha іs qozǵaǵan, — dedі IIM uıymdasqan qylmysqa qarsy kúres departamentіnіń ókіlі Qýandyq Alpys.