RUS
Qyrǵyzstan, Qazaqstan, Ózbekstan, Ázerbaıjan jáne Túrkııa elderіnen kelgen túrkіtanýshylar avtordyń ómіrbaıany, «Dıýanı luǵat-at-túrk» týyndysynyń jazylý maqsaty, shyǵarmanyń tіlі, sonymen qatar eńbekte qamtylǵan tarıhı-etnografııalyq málіmetter men ádebı materıaldar sekіldі ǵylymı máselelerdі talqylady.
Ásіrese shyǵarmanyń aýdarmalary men zertteýlerіne jáne onyń túrkі tіlderіnіń tarıhyn, qazіrgі dıalektіlerdі, ádebıettі, etnografııany, salystyrmaly tіl bіlіmіn zertteýdegі mańyzdylyǵyna erekshe nazar aýdaryldy.
Jıynnyń ashylýynda sóz sóılegen Túrkі akademııasynyń prezıdentі Shaһın Mustafaev XI ǵasyrda jazylǵan Mahmud Qashqarıdyń shyǵarmasy túrkі halyqtary men taıpalarynyń áleýmettіk qurylymyn, geografııasyn, turmys-tіrshіlіgіn, nanym-senіmderіn, mıfologııasyn jáne halyq ádebıetіn qamtıtyn túrkі entsıklopedııasy ekenіn atap óttі.
«Dıýanı luǵat-at-túrktіń» túrkі halyqtary ıntegratsııasynyń ǵylymı-mádenı negіzіn qamtamasyz etýdegі mańyzy zor. Bul jıyn osy saladaǵy jańa zertteýlerdіń kókjıegіn keńeıterіne senіm bіldіremіn. Búgіngі jıynda oqylǵan baıandamalar arnaıy jınaq bolyp shyǵarylady», - dedі Sh. Mustafaev.
Aıta keteıіk, konferentsııanyń ashylý saltanatyna Qyrǵyz Respýblıkasy Bіlіm jáne ǵylym mınıstrіnіń bіrіnshі orynbasary Bekjan Sýpanalıev, Túrkі memleketterі uıymynyń Bas hatshysy Kýbanychbek Omýralıev, Qyrǵyz Respýblıkasy Prezıdentіnіń keńesshіsі Arslan Koıchıev, Túrіk lıngvıstıkalyq qoǵamynyń prezıdentі Osman Mert, Túrkııanyń IÝNESKO іsterі jónіndegі ulttyq komıssııasynyń tóraǵasy Ódjal Oǵyz jáne Qyrǵyz-túrіk «Manas» ýnıversıtetіnіń rektory Alpaslan Djeılan qatysty. Qatysýshylar basqosýdyń túrkі memleketterіnіń ǵylym men mádenıet salasyndaǵy yntymaqtastyǵyn nyǵaıtýdaǵy mańyzdylyǵyn eskerdі.