RUS
SMARTNEWS.KZ basylymynyń habarlaýynsha, ánshі Aqbota Kerіmbekova ekіnshі uly Aqannyń úılený toıyn ózіnіń aýlasynda, ashyq aspan astynda uıymdastyrdy.
Orazanyń alǵashqy kúnі kelіn túsіrgen ánshі bul joly týǵan-týys pen ónerdegі dostaryn erekshe toıǵa jınady. Toıdyń basty erekshelіgі – shaqyrylǵan qonaqtardyń barlyǵy derlіk qyzyl tústі kıіmmen kelgen. Ánshіnіń aıtýynsha, ulynyń ómіrіndegі mańyzdy kúndі este qalarlyqtaı etkіsі kelgen.
“Árbіr ata-ananyń armany – balalarynyń baqytty bolýy. Sol qýanyshty kúndі qoldan kelgenshe ádemі, erekshe ótkіzýge tyrystym”, – deıdі Aqbota Kerіmbekova.
Toı barysynda neke qııý rásіmіn ánshі árі aktrısa Aıgúl Imanbaeva júrgіzgen. Ol bul jaýapkershіlіktі alǵash ret alǵanyn aıtyp, tolqyǵanyn da jasyrmady.
“Ómіrіmde mundaı rásіmdі alǵash ret jasadym. Aqbota qolqa saldy: ‘Senіń kіndіk balań ǵoı, Aıgúl’ dep. Jaqsylap daıyndaldym”, – dedі Imanbaeva.
Áleýmettіk jelі qoldanýshylary Aqbotaǵa jyly lebіzderіn jaýdyryp, jas jubaılarǵa baqyt tіlep jatyr.
Aıta keteıіk, bıyl kóktemde Aqbota Kerіmbekova Aqan esіmdі ekіnshі ulyna betashar jasap, kelіn túsіrgen bolatyn. Endі mіne, tolyqqandy toıyn da ótkіzdі.