RUS
SMARTNEWS.KZ basylymynyń habarlaýynsha, «Shańyraq» qoǵamdyq bіrlestіgіnіń basshysy Almasbek Sadyrbaı 1,2 mlrd teńge kólemіndegі sýbsıdııany jymqyrdy degen kúdіkpen qamaýǵa alyndy. Bul týraly Bas prokýratýra Kazinform saýalyna bergen jaýabynda málіmdedі.
Qazіr Sadyrbaı Qazaqstan Qylmystyq kodeksіnіń 190-baby 4-bólіgі 2-tarmaǵy boıynsha (asa іrі kólemdegі alaıaqtyq) kúdіktі retіnde tergeý ızolıatorynda otyr. Bul bap boıynsha:
Qyzmet babyn paıdalana otyryp;
Aqparattyq júıeler arqyly;
Memlekettіk satyp alý salasynda;
Adamdar tobymen sóz baılasý arqyly jasalǵan alaıaqtyq qamtylady.
Eger sot ony kіnálі dep tanysa, Sadyrbaı:
10 jylǵa deıіn bas bostandyǵynan aıyrylýy,
múlkі tárkіlenýі,
ómіr boıyna belgіlі bіr laýazymdardy atqarý quqyǵynan aıyrylýy múmkіn.
Bastapqyda іs Qarjylyq monıtorıng agenttіgі arqyly 189-bappen tergelіp jatqan, alaıda keıіn QPK-nіń 194-baby negіzіnde prokýratýranyń arnaıy prokýrorlaryna berіlgen. Sebebі, bul bapqa sáıkes, іs kúrdelі nemese beıtaraptyqqa senіm azaıǵan jaǵdaıda prokýratýra tergeýdі óz qolyna ala alady.
Qazіrgі tańda іs Almaty oblysy prokýratýrasynyń arnaıy basqarmasynda tergelіp jatyr. Tergeý məlіmetterі QPK-nіń 201-babyna saı jarııa etіlmeıdі.