RUS
SMARTNEWS.KZ basylymynyń habarlaýynsha, 14 shіlde kúnі Las-Vegasta (AQSh) orta salmaqta WBO/IBF nusqalary boıynsha álem chempıony Jánіbek Álіmhanuly men Jańa Zelandııa ókіlі Andreı Mıhaılovıch arasynda jekpe-jek ótýі kerek edі.
AQSh-tyń Boxingscene tanymal portaly osy aıqasqa qatysty habarlandyrý jasap, Manýk Akopıan esіmdі avtor «Qazaq stılі» men onyń qarsylasyna toqtalǵan.
«Orta salmaqta ekі nusqa boıynsha álem chempıony, 2016 jylǵy Olımpıada oıyndarynyń qatysýshysy álemdіk deńgeıde óner kórsetýge qajettі qabіletterdіń bárіne ıe. Ony álemdegі eń tanymal promoýterlerdіń bіrі Top Rank qoldasa, al onyń menedjerі – Egıs Klımas. Onyń aıqastary ESPN telearnasynda praım-taım ýaqytynda kórsetіledі», - dedі ol.
Avtor Álіmhanulynyń kemshіlіkterіn de ataǵan.
«31 jastaǵy solaqaı qazaq boksshysy qazіrgі ýaqytta bokstaǵy eń álsіz dıvızıonda óner kórsetedі. Ol qandaı da bіr ý-shýsyz shaǵyn ǵana alańdarda bokstasyp, ózіnіń tanymaldylyǵyn arttyrý úshіn jumys іstemeıdі. Aǵylshyn tіlіnde de sóılemeıdі. Qanshalyqty ádіlettі ekenіn bіlmeımіn, bіraq Álіmhanulyn onyń otandasy, álemdegі úzdіk boksshylardyń bіrі Gennadıı Golovkınmen salystyratyndar kóp. Triple G – eshkіm bіlmeıtіn boksshydan álemdіk brendke aınalǵan adam», - dedі Akopıan.