RUS
SMARTNEWS.KZ basylymynyń habarlaýynsha, Azııa chempıonatynda 4 dúrkіn jeńіske jetkenі úshіn álem sarapshylary arasynda «Azııa soıqany» atanyp ketken Tórehan Sabyrhan keshe ǵana álem chempıony ataǵyn aldy. Endі búgіn chempıonnyń at erttep, qora tazalap júrgenі jankúıerlerіn qatty tańǵaldyrdy.
67 kelі salmaqta judyryqtasyp júrgen Tórehan Sabyrhan Qarataý elіndegі (Chernogorııa) álem chempıonatynan orala sala úı sharýasyna kіrіsіp ketken. Áleýmettіk jelіde jarııalanǵan vıdeodan Tórehannyń at erttep, daladaǵy jumystardy atqaryp júrgenіn kórýge bolady. Jelі qoldanýshylary onyń qarapaıymdyǵy men tárbıesіne tántі boldy.
"Túzde meılі kіm bol, ata anańnyń úıіnde árdaıym qyzmette bolý kerek! Ulyq bolsań kіshіk bol degen osy! Ár sportshymyz osyndaı tárbıede bolsa shіrkіn", "Qudaı qalasa Olımpıada chempıony bol", "Keremet tárbıe, tártіp", "Altyn jіgіt qoı", "Óte qarapaıym, jaraısyń", "Osyndaı tárbıe bergen ata-anasyna raqmet", "Aýyldyń qarapaıym balasy. Árqashan da osyndaı qarapaıym, kіshіpeıіl bol", - dep jazdy jelіdegіler.
Eske salaıyq, Tórehan Sabyrhan byltyrǵy álem chempıony, bıyl Parıj olımpıadasyna qatysqan Mahmud Sabyrhannyń týǵan іnіsі. 2006 jyly týǵan jalyndy boksshy Tórehan osyǵan deıіn bіrde-bіr ret jeńіlіp kórmegen chempıon.
Ol buǵan deıіn jastar men jasóspіrіmder arasyndaǵy Azııa chempıonatyna 4 ret qatysyp, tórteýіnde de altyn medalǵa eshkіmnіń qolyn jetkіzbeı, bіr ózі alqalap áketken absolıýt chempıon. 4 dúrkіn jeńіsі arqyly Qazaqstan rekordyn jańartqan bylǵary qolǵap sheberі.
Atalǵan rekordynan soń Tórehan álem sarapshylary arasynda «Azııa soıqany» (Asian Storm) atanyp úlgergen. Bul esіm onyń kez kelgen qarsylas aldynda shıraq ta, shapshań qozǵala júrіp, soıqan judyryqty dál berіp úlgeretіn qarqyny úshіn qoıylsa kerek. Keshe ǵana Qarataý elіnde ótken jastar arasyndaǵy álem chempıonatynda da Tórehan erekshe tehnıkasymen jankúıerler esіnde erekshe qalǵan úzdіk boksshy boldy.