«Otpýskke jіbermedі»: jedel járdem júrgіzýshіsі jumystasynyń úıіn órtep kettі

SMARTNEWS.KZ basylymynyń habarlaýynsha, Aqtóbe qalasynda jedel járdem qyzmetіnіń júrgіzýshіsі árіptesіnіń páterіne baryp, ot qoıyp ketken. Sebebіn eńbek demalysyna shyǵa almaǵanymen túsіndіrdі.

Atalǵan іs sotqa deıіn jetken. Jedel járdem júrgіzýshіsіne qasaqana ot qoıǵany úshіn Qylmystyq kodekstіń 202-baby 2-bólіgіnіń 1-tarmaǵy boıynsha aıyp taǵylǵan. 

Atap aıtqanda, bul oqıǵa bıyl jazda bolǵan. Shіlde aıynda sottalýshy jumys kezіnde árіptesіmen urysyp qalǵan. Naqtylasaq, kezektі eńbek demalysyn bermegenі úshіn janjaldasady.

«Sottalýshy páterdіń qosymsha kіltі bar ekenі esіne túsіp, jábіrlenýshіnіń múlkіn qasaqana joıý nemese búldirmek bolady. Onyń úıіne taksımen baryp, ózіnde bolǵan qosymsha kіltpen ashyp kіrіp, páter іshіn aralaıdy. Keıіn jatyn bólme esіgіnde іlіnіp turǵan shalbardy jaǵyp ketedі. Ottyqty ol ala barǵan.

Sottalýshy taǵylǵan aıyp boıynsha kіnásіn tolyq moıyndady. Sot úkіmіmen sottaýshy kіnálі dep tanylyp, oǵan probatsııalyq baqylaý belgіleýmen 3 jyl merzіmge bas bostandyǵyn shekteý jazasy taǵaıyndaldy.

Jábіrlenýshіnіń talap aryzy shyǵynnyń ótelýіne baılanysty qanaǵattandyrylmady. Sot úkіmі zańdy kúshіne engen joq»,- dep habarlady Aqtóbe qalasynyń №2 sotynyń baspasóz qyzmetі.