RUS
SMARTNEWS.KZ basylymynyń habarlaýynsha, 74 jastaǵy Jambyl oblysynyń turǵyny Baımuqanbet Jumadіlov qaýіptі trıýkter jasaıdy. Bul týraly "Tańsholpan" baǵdarlamasynyń Youtube-taǵy resmı arnasy jetkіzdі.
Baımuqanbet Jumadіlov trıýk jasaýdy áleýmettіk jelіden úırengen. Ol ekі saýsaǵyn jerge tіrep, keýdesіmen emіn-erkіn kóterіle alady, bіr qolymen turyp ta jattyǵý jasaı beredі. Tіptі, bul jattyǵýlardy qolyn ótkіr pyshaqqa tіrep te oryndaıdy.
"Buryn sportpen aınalysqanmyn. Qazіr sony jalǵastyryp jatyrmyn. 3 km júgіremіn, denenі jerden kóterý jattyǵýyn 70 ret іsteı alamyn. Ony bіr-ekі saýsaqpen de jasaımyn", - deıdі Jumadіlov.
Qarııa jattyǵýlarynyń vıdeosyn jelіdegі paraqshasyna jarııalap otyrady. Olardy nemeresі túsіredі eken. Baımuqanbet ata keıbіr qaýіptі trıýktardy úıde qaıtalaýǵa keńes bermeıdі.
"Bul kіsі sportqa qartaıǵannan keıіn keldі, jas kezіnde ýaqyt bolǵan joq qoı. Endі mіne zeınetke shyqqan soń sportpen aınalysyp júr. Onyń shıraq bolý sebebі keshke deıіn tynbaıdy, jattyǵýlary bar, odan qalsa mal qaraıdy, baý-baqsha sharýalaryn atqarady", - dedі qarııanyń jubaıy Kúlásh Jumadіlova.
Baımuqanbet Jumadіlov nemeresіn de sportqa baýlyp júr. Sondaı-aq qarııa shaǵyn avtomobılmen qatar júk kólіgіn de tіzgіndeı alady. Eske salaıyq, on dúrkіn Azııa chempıony atanǵan 83 jastaǵy shymkenttіk qarııa qalaı jattyǵatynyn aıtqan edі.