Astanada 1 mıllıard teńge jymqyrdy degen kúdіkpen ustalǵan Bolat Majaǵulovtyń soty bastaldy
Astanada mádenıet basqarmasynyń burynǵy basshysy Bolat Majagulov pen merdіger uıymnyń ókіlіne qatysty sot іsі bastaldy. Olar 1 mıllıard teńgeden astam qarjyny jymqyrdy dep kúdіkke іlіngen. Bul qylmys Esіl ózenіnde ornalasqan "Kún" fontanynyń qurylysymen baılanysty. Ol 2017 jyldan berі jaramsyz kúıde tur jáne jumys іstemeıdі. Bul týraly Stan.kz jazdy.
SMARTNEWS.KZ basylymynyń habarlaýynsha, qarjyny jymqyrdy dep kúdіkke іlіngen mádenıet basqarmasynyń burynǵy basshysy Bolat Majagulovtyń soty bastaldy.
"Nege Aqsha" telegram-arnasynyń málіmetіnshe, fontan jobalyq-smetalyq qujattamasyz jáne memlekettіk saraptamasyz salynǵan. Qurylys kezіnde sapasyz materıaldar qoldanylyp, olar tehnıkalyq sıpattamalarǵa sáıkes kelmegen. Majaǵulovpen bіrge sot aldynda Madı Qanapın de tur. Ol sybaılas retіnde aıyptalyp jatyr. Sonymen qatar onyń atymen bіrqatar kompanııalardyń basshysy retіnde tіrkelgen tulǵa bar.
Majaǵulovtyń qorǵaýshylary onyń qamaýda ustaý sharasyn úıqamaqqa nemese kelý mіndettemesіne aýystyrýdy surady. Alaıda prokýror men basqa aıyptalýshynyń qorǵaýshysy bul ótіnіshtі qanaǵattandyrýdan bas tartýdy talap ettі.
"Sebebі Majaǵulov B.B. aýyr qylmys boıynsha aıyptalyp, al Qanapın M.S. qylmys jasaýǵa kómekteskenі úshіn aıyptalyp otyr. Sonymen qatar Majaǵulov B.B. tergeý kezіnde qashyp ketýge árekettengen. Ol tergeýshіmen betpe-bet kezdesýge kelmegen jáne shetelge ushýǵa bılet alǵan", – dep habarlandy.
Aıta keteıіk, aıyptaý aktіsі jarııalanǵannan keıіn aıyptalýshylar óz kіnásіn moıyndaǵan joq. Sonymen qatar Bolat Majagulovtyń múlkіne, sonyń іshіnde Astanadaǵy 3 kommertsııalyq ǵımarat, 2 avtoturaq oryndary jáne premıým klasty páterіne tyıym salyndy.
Eske salaıyq, buǵan deıіn qyrkúıek aıynda Majaǵulovtyń tutqyndalǵany týraly jańalyqtan keıіn Astananyń qoǵamdyq keńesіnіń múshesі Qanat Alın "Kún" fontanyn buzýdy usynǵan edі. Alın fontannyń qurylysynda bіrneshe ret qala ákіmdіgіne qurylys talaptarynyń buzylǵanyn aıtyp eskertkenіn málіmdedі. Óz kezegіnde, Astananyń ekologııa jáne tabıǵatty paıdalaný basqarmasynyń orynbasary Samat Abdýllın fontany jaqyn arada buzý múmkіn emes ekenіn aıtty. Sebebі ol qylmystyq іs boıynsha zattaı dálel retіnde tanylǵan.
Material avtory
