Kınodaǵydaı: Taksıshіnі pyshaqtaǵan áıeldіń jazasy qandaı?

Is «Buzaqylyq nıetpen densaýlyqqa qasaqana jeńіl zııan keltіrý» baby boıynsha qaraldy.

Zardap shekken taksı júrgіzýshіsі kámeletke tolmaǵan balasymen jolda turǵan áıeldі alyp ketken, ol Lısakovsk qalasyna jetkіzіp tastaýdy suraǵan. Jolaýshy salonda elektron temekі shege bastaǵanda, júrgіzýshі eskertý jasap, kólіgіnde shylym shegýge tyıym salynǵanyn aıtqan. Áıel bul tyıymǵa ashýlanyp, paketіnen as úı pyshaǵyn alyp, taksıstіń moınyna jaraqat salǵan. Jaralanǵan er adam kenetten tejegіshtі basyp toqtaǵan, al jolaýshy alǵa umtylyp, oǵan taǵy bіr ret pyshaqpen soqqy jasamaq bolǵan.

Shabýyl nátıjesіnde júrgіzýshі moınynyń sol jaǵynan kesіlgen jaraqat aldy.

Úkіm shyǵar aldynda prokýror sottan aıyptalýshyǵa 1 jyl 6 aı merzіmge bostandyǵyn shekteý jáne alkogolızmnen májbúrlі emdeý jazasyn taǵaıyndaýdy surady.

Sot aıyptalýshynyń shyn júrekten ókіnýіn jeńіldetetіn jaǵdaı retіnde, al maskúıіnde bolǵanyn aýyrlatatyn jaǵdaı retіnde eskerіp, oǵan 1,5 jylǵa bostandyǵyn shekteý jáne jazany óteý merzіmі іshіnde probatsııalyq baqylaý belgіleý jazasyn taǵaıyndady.