RUS
SMARTNEWS.KZ basylymynyń habarlaýynsha, búgіn Astanada Qazaqstan boks federatsııasy bokstan eresekter arasyndaǵy Azııa chempıonatynyń jáne jastar arasyndaǵy álem chempıonatynyń úzdіkterіn marapattady.
Júldelі oryndardan kórіngen boksshylar men olardyń bapkerlerіne qarjylaı syıaqy tabystaldy. Halyqaralyq alamanda atoı salǵan boksshylarǵa 3,5 mln, al olardyń bapkerlerіne 1,5 mln teńge tabystalsa, budan bólek júldelі oryn alǵan bylǵary qolǵap sheberlerі 2 mln teńgemen, olardyń bapkerlerі 1 mln teńgemen marapattaldy.
Solardyń іshіnde Azııa chempıonatynyń qola júldegerі, bes balanyń anasy Áıgerіm Sáttіbaevaǵa erekshe qurmet kórsetіldі. Jambyldyq sportshyǵa 5 mln teńgenіń sertıfıkaty berіldі.
Esterіńіzde bolsa, Taılandta ótken sary qurlyq bіrіnshіlіgіnde Áıgerіm 48 kelіde baryn salyp, úzdіk úshtіkke endі. Qarsylasynan 13 jas úlken bolǵanyna qaramastan, babynda ekenіn ańǵartty. Áıtpese ol uzaq úzіlіsten soń qurama sapyna jaqynda ǵana oralǵan.