«Adamdardy arazdastyrady»: Rınat Zaıytov kólіktі bes mınýttan artyq qyzdyrý týraly
Kórshі kórshіsіn ańdyp júredі deıdі depýtat.
SMARTNEWS.KZ basylymynyń habarlaýynsha, májіlіs depýtaty Rınat Zaıytov kólіktі bes mınýttan artyq qyzdyrǵandarǵa aıyppul salynady degen aqparatqa qatysty pіkіr bіldіrdі.
Májіlіsmennіń aıtýynsha, bul adamdar arasyna іrіtkі salady.
«Bul jerde bіr qaýіptі nárse bar: osyndaı áreketterdі aıtý, kameraǵa túsіrý qoǵamǵa paıda bermeıdі. Adamdardy arazdastyrady. Óz basym qajet emes dep oılaımyn. Erteń kórshіmen kórshі urysady. Turmystyq shıelenіster, túsіnіspeýshіlіkter kóbeıіp ketedі», - deıdі Rınat Zaıytov.
Aıta keteıіk, buǵan deıіn bes mınýttan artyq qyzdyrǵandarǵa aıyppul salynatyny týraly aıtylǵan edі. Alaıda quqyq qorǵaýshylar bunyń jańa norma emestіgіn túsіndіrýde.
Aıtýlarynsha, Qazaqstan Respýblıkasynyń Jol qozǵalysy erejelerіnde ol 20 jyldan berі bar. Ereje ekologııaǵa zııan keltіrýden saqtandyrý úshіn engіzіlgen.
Material avtory
