SMARTNEWS.KZ basylymynyń habarlaýynsha, Maqpal Júnіsova marqum kúıeýі Zamanbek Nurqadіlovtіń 2005 jyly jazǵan sońǵy óleńderіnen úzіndіnі Instagram paraqshasynda jarııa ettі.
Ánshі jelі paraqshasynda vıdeo jarııalap, onda qoǵam qaıratkerі Zamanbek Nurqadіlovtіń sońǵy óleńderіnen úzіndі keltіrgen. Marqum memleket qaıratkerіnіń óleń joldaryn nazarǵa usynamyz:
Maqpalǵa
Senesіń be?
Bіr ózіńnen basqa jannan bіr jaqsylyq kórmeppіn.
Daryn qonǵan asyl janǵa erkіndіktі bermeppіn...
"Mahabbat bar" - jetedі dep, qoldy kóp jyl sermeppіn...
Men jolyńdy asha almappyn, jіbek jіppen kermeppі...
Dіrіldegen ár ánіńdі monshaq jasap termeppіn...
Elegııa
Bárі satty, jalǵyz qaldym
Zańy solaı azdyqtyń,
Izsіz jaýdan óstі tіken,
Ý bop shyqty qastyqtyń.
Baıqamappyn qyzǵanyshty,
Zalymdyqty eskermeı,
Qanpezerler boı kóterdі —
"Jemіsі" ǵoı jastyqtyń.
Qanpezerler gúl jaınap júr
"Jemіsіn" dep mastyqtyń,
Oq qaǵary jalǵyz men em,
Sonda nege asyqtym?
Sol adamnyń taǵyn qorǵap
Beker tókken terlerіm,
Burshaq bolyp qaıtyp jatyr
Zár bultynan pasyqtyń.
Jaba almaısyń abaqtyńa,
Bylǵatpaımyn denemdі,
Jіberseń de shabýylǵa
Top-top bolǵan keneńdі.
Ustamdylyq, bar tózіmdі
Tek jeńіske arnap em,
Álsіzdіk dep oılamańdar,
Sheıіt ketsem men endі.
30.04.2005 j.
Baıqamappyn salmaǵyn,
Ómіr zіlіn, jalǵanyn.
Mahabbat bar dep ózіńmen
Ot bop laýlap janǵanmyn.
Janym endі tózersіń,
Taǵdyr basqa salǵanyn,
Jaqsy basar jamandy
Alla aıtar talǵamyn.
Jaratqan ıem qoldasa,
Kúsheıter saǵan qorǵanyn.
Jaý jeńіlіp, sen jeńіp
Úzersіń shynjyr torlaryn,
Ásem án álі qulpyrtar
Jaryq aıdyń tolǵanyn.
Elіń kórer erteń-aq
Mereı sendeı bolǵanyn.
Senderge qıdym qaıshymen
Ǵumyrymnyń qalǵanyn.
Ónerdіń máńgі alǵasyń,
Alla bersіn jalǵasyn!
Áýmın!
26.08.05
Kenet ólsem aq denemdі
Pyshaq salyp kespeńder!
Ishte jatqan bar іzgіlіk
Bosqa ushpasyn, tespeńder!
Aq jarqyndy, aq kelbettі
Sheshem tosyp jatyr ǵoı!
Menі ósіrgen arý ana
Janyna alsyn, Batyr ǵoı!
Eske salsaq, buǵan deıіn Maqpal Júnіsova marqum kúıeýі Zamanbek Nurqadіlovtіń ólіmіne qatysty pіkіr bіldіrgen edі. Óner ıesі joldasy ózіn-ózі attty degen tujyrymdy alyp tastaý kerek ekenіn jetkіzdі.
Sondaı-aq Maqpal Júnіsova Zamanbek Nurqadіlovtіń ózіne qalaı ǵashyq bolǵanyn aıtyp bergen bolatyn. Óner ıesі bastapqyda belgіlі saıasatkerdі múldem jaqsy kórmegenіn jasyrmady.