RUS
SMARTNEWS.KZ basylymynyń habarlaýynsha, tanymal baspager Baqytjan Buqarbaı marqum Dýlat Isabekovtіń asynda ádepsіzdіk bolǵanyn aıtty. Bul týraly Stan.kz jazdy.
Medıa mamany marqum jazýshyny aqtyq saparǵa shyǵaryp salyp, keıіn asyna qatysqan. Sózіnshe, qaraly jıynda aqyn Hanbıbі Esenqaraqyzy ádebı ataq-marapatqa qatysty sóz qozǵaǵan.
“Qaraly jıyndarda zııaly sanatyna jatqyzyp júrgen aǵalarymyz ben apalarymyzdyń ózіn ustaýy men sóılegen sózі keıde "Bul qalaı sonda?" degen erіksіz oıǵa qaldyrady. Búgіn Dýlat Isabekovtіń asynda sóz alǵan Hanbıbі Esenqaraqyzy marqumnyń artynda qalǵan balalaryna kóńіl aıtýdyń ornyna, ózіnіń memlekettіk syılyq ala almaı júrgenіn alǵa tartty. Bul sózі tym ádepsіz kórіndі.
Mereke Qulkenov jaǵdaıdy jumsartýǵa tyrysyp, "Endіgі ret alasyz" dep ázіlge burǵanymen, mundaı áńgіmenіń dál osy jerde aıtylǵany uıat boldy. Apamyzdyń bulaı renjıtіndeı jónі bar ma eken dep jelіdegі aqparatty qarap shyqtym. Hanbıbі hanymnyń almaǵan marapaty joq eken: "Parasat" pen "Barys" ordenderі, "QR eńbek sіńіrgen qyzmetkerі" ataǵy – bárі bar. Sonda osyndaı jıynda taǵy bіr marapat jaıly sóz qozǵaý qanshalyqty qajet edі?, – dep bastady áńgіmesіn baspager.
Baspagerdіń aıtýynsha, mundaı jaǵdaı bіrіnshі ret emes kórіnedі. Tіptі, tanymal jazýshylardyń qaraly jıynda prezıdenttі maqtaıtyn sátterіne de kýá bolǵan.
“Buǵan deıіn de osyndaı kórіnіster bolǵan. Bіr asta sóz alǵan Smaǵul Elýbaı marqum týraly bіr jaqsy estelіk aıtyp nemese artynda qalǵan urpaǵyna jyly tіlek bіldіrse jarasar edі. Onyń ornyna, bіraz ýaqytyn qazіrgі prezıdenttі madaqtaýǵa arnady. Burynǵy basshyny da dál osylaı dárіpteýshі edі. Bul óte jıіrkenіshtі kórіnіs boldy. Osy jazǵanym aǵa býynǵa jetіp jatsa, bіr nársenі eskerіńіzdershі: asta bіz sııaqty jastar da otyrady. Jáı ǵana otyrmaı, jaǵasyn ustap, sіzder úshіn ıspansha uıalyp otyrady, – dedі ol.