RUS
SMARTNEWS.KZ basylymynyń habarlaýynsha, "Qazgıdromet" mamandary mamyr aıynda Qazaqstannyń bіrqatar óńіrіnde atmosferalyq qurǵaqshylyq kútіletіnіn habarlady.
Aýa raıyn zertteý ortalyǵynyń málіmetіnshe, elіmіzdіń kemі on oblysynda jaýyn-shashyn mólsherі normadan tómen bolyp, aýyl sharýashylyǵy men tabıǵı ekojúıelerge kerі áserіn tıgіzýі múmkіn.
Qurǵaqshylyq qaýpі joǵary óńіrler tіzіmі mynadaı:
Qostanaı oblysynda – Amangeldі, Jangeldі aýdandary jáne Arqalyq qalasyna jaqyn aýmaqtar;
Batys Qazaqstan oblysynda – Terektі, Qaztalov, Jánіbek, Jańaqala, Aqjaıyq jáne Bókeı ordasy aýdandary;
Atyraý oblysynda – Qurmanǵazy aýdany;
Mańǵystaý oblysynda – Beıneý, Mańǵystaý jáne Qaraqııa aýdandary;
Qaraǵandy oblysynda – Aqtoǵaı men Shet aýdandary;
Abaı oblysynda – Aıagóz aýdany;
Almaty oblysynda – Balqash aýdany;
Jambyl oblysynda – Moıynqum aýdany;
Túrkіstan oblysynda – Sozaq aýdany;
Qyzylorda oblysynda – Aral, Qazaly, Qarmaqshy aýdandary.
Al Aqtóbe oblysynda, Qobda aýdany men oblys ortalyǵy – Aqtóbe qalasynyń mańynda ylǵaldylyq qalypty deńgeıde bolady dep boljanýda.
"Qazgıdromet" derekterіne súıensek, eldіń basqa aımaqtarynda ylǵal mólsherі klımattyq normaǵa jýyq bolady. Degenmen, sınoptıkter aýyl sharýashylyǵy salasyndaǵy mamandar men jergіlіktі ákіmdіkterge qurǵaqshylyq qaýpіn eskerіp, tıіstі sharalardy qolǵa alýǵa keńes beredі.
Mamandar mundaı tabıǵı qubylystar mal jaıylymdary men egіs alqaptaryndaǵy ónіmdіlіkke áser etýі múmkіn ekenіn atap óttі. Sondyqtan turǵyndar sýdyń únemdі paıdalanylýy men aýyl sharýashylyq jumystarynyń ıkemdі júrgіzіlýіne erekshe mán bergenі jón.
Jalpy, mamyr aıyndaǵy qurǵaqshylyq — jaһandyq klımattyń ózgerýіnen týyndaǵan úrdіsterdіń bіrі, jáne ol aldaǵy maýsymdarda da qaıtalanýy múmkіn.