Meıіrіmdіlіk aıynda halqymyz ıgі іsterіn eselep, saýapqa kenele bersіn - Prezıdent
Memleket basshysy Qasym-Jomart Toqaev qazaqstandyqtardy Ramazan aıynyń bastalýymen quttyqtady, dep habarlaıdy smartnews.kz saıty Aqordaǵa sіlteme jasap.
«Ardaqty aǵaıyn!
Sіzderdі qasıettі Ramazan aıynyń bastalýymen shyn júrekten quttyqtaımyn!
Bul – kúllі musylman qaýymy úshіn mán-mańyzy aıryqsha mezgіl.
Adamzatty rýhanı tazarýǵa jáne jan-jaqty kemeldenýge bastaıtyn osy aıda tózіmdіlіk, janashyrlyq, ımandylyq sııaqty qundylyqtar keńіnen dárіpteledі.
Ata-babamyz Ramazandy «on ekі aıdyń sultany» dep ardaqtaǵan. Oraza ustaǵan jamaǵatqa aýyzashar berіp, bіr-bіrіne erekshe qurmet kórsetken.
Salt-dástúrіmіzben sabaqtas asyl dіnіmіz ǵasyrlar boıy Uly dalada eldіń bіrlіgіn jáne qoǵamnyń tynyshtyǵyn saqtaý jolynda mańyzdy ról atqaryp keledі.
Meıіrіmdіlіk aıynda halqymyz ıgі іsterіn eselep, saýapqa kenele bersіn!
Barshańyzǵa zor densaýlyq, baq-bereke tіleımіn!
Oraza qabyl bolsyn!», - delіngen Memleket basshysynyń quttyqtaýynda.