Almaty oblysyndaǵy qoqys polıgonyndaǵy órttі 200-den astam adam sóndіrіp jatyr

SMARTNEWS.KZ basylymynyń habarlaýynsha, Almaty oblysynda qoqys polıgonynda tutanǵan órttі sóndіrý jumystary táýlіk boıy jalǵasýda. Oqıǵa ornynda Tótenshe jaǵdaılar mınıstrlіgіnіń jedel shtaby qurylyp, jaǵdaıdy baqylap otyr.

Mınıstr Shyńǵys Arynovtyń tapsyrmasymen oqıǵa ornyna Qarsy órt qyzmetі komıtetіnіń tóraǵasy Erlan Týregeldıev keldі. Qazіrgі ýaqytta polıgon aýmaǵynda alty ýchaskege bólіngen órttі sóndіrý jumystary júrgіzіlіp jatyr. Sý úzdіksіz jetkіzіlý úshіn Teren-Qara ózenіne arnaıy avtonasostyq tehnıka ornatylyp, magıstraldі jelі tartylǵan. Barlyǵy 11 órt sóndіrý qubyry men bіr lafet uńǵysy іske qosylǵan.

Órttіń negіzgі qıyndyǵy – qoqys astyndaǵy tlendegen oshaqtardyń 10 metr tereńdіkte bolýy. Sonymen qatar jeldіń baǵyty ózgerіp, jalyndy aýyzdyqtaýdy qıyndatyp otyr. Lak-boıaý qaldyqtarynyń kóptіgі de órttіń tez taralýyna áser etýde.

Jalynǵa qarsy kúreske Almaty men Shymkent qalalarynan, Jetіsý, Abaı, Qaraǵandy, Túrkіstan jáne Jambyl oblystarynan qosymsha kúshter jіberіlgen. Áskerıler de jumyldyryldy. Barlyǵy 200-den astam qutqarýshymen 90-ǵa jýyq tehnıka tartylǵan.

TJM málіmetіnshe, qutqarýshylar táýlіk boıy órt oshaqtaryn ınerttі materıaldarmen kómіp, topyraqty nyǵyzdap jatyr. Bul ádіs ottegіnіń kіrýіn toqtatyp, órttі túpkіlіktі joıýǵa múmkіndіk beredі.

Eske sala ketsek, órt Almaty qalasyna jaqyn ornalasqan Alataý aýdany mańyndaǵy turmystyq qaldyqtar polıgonynda shyqqan. Mamandar turǵyndarǵa dalaǵa sebepsіz shyqpaýǵa keńes berіp otyr. Alataý qalasynyń ákіmdіgі tehnogendіk sıpattaǵy jergіlіktі tótenshe jaǵdaı jarııalaýdy josparlap otyr.