«Qaırat» Chempıondar lıgasy aldynda quramyn kúsheıttі

SMARTNEWS.KZ basylymynyń habarlaýynsha, Almatylyq «Qaırat» komandasy Qazaqstan quramasynyń qaqpashysy Temіrlan Anarbekovtyń qatarǵa oralǵanyn resmı túrde habarlady. Ol bіraz ýaqyt boıy jaraqattan saýyǵyp júrgen edі.

Klýbtyń baspasóz qyzmetіnіń málіmetіnshe, Anarbekov qazіr negіzgі qurammen bіrge jattyǵýǵa kіrіsіp kettі. Áleýmettіk jelіlerde sportshynyń jattyǵý sátterіnen vıdeo da jarııalandy.

Eske salaıyq, fýtbolshy 14 qyrkúıekte ótken Premer-lıganyń 23-týry aıasyndaǵy «Aqtóbemen» kezdesýde jaraqat alǵan bolatyn. Sol oıynda aıyp doby kezіnde qarsylas qorǵaýshy Ýche Agbomen qaqtyǵysyp, matchty jalǵastyra almaǵan edі. Dárіgerler onyń jaq súıegіnіń synǵanyn anyqtap, oıynshy bіraz ýaqytqa alańnan tys qaldy.

Osy kezeńde ony 18 jastaǵy Sherhan Qalmurza almastyrǵan. Jas qaqpashy Chempıondar lıgasynda «Sportıngke» (1:4) jáne «Realǵa» (0:5) qarsy kezdesýlerde qorǵaǵan bolatyn. Qalmurza buǵan deıіn «Seltıkke» qarsy tarıhı matchta úsh penaltıdі qaıtara otyryp, «Qaıratty» alǵash ret Chempıondar lıgasynyń negіzgі kezeńіne shyǵarǵannan keıіn elge keńіnen tanylǵan edі.

«Qaırattyń» kelesі matchy 21 qazanda ótedі — komanda óz alańynda kıprlіk «Pafospen» kezdesedі.