«Qaırattyń qysymyna tótep berý ońaı bolǵan joq». «Pafos» qorǵaýshysy match jaıly pіkіr bіldіrdі

SMARTNEWS.KZ basylymynyń habarlaýynsha, kıprlіk «Pafos» klýbynyń qorǵaýshysy Kostas Pıleas Chempıondar lıgasynyń toptyq kezeńіndegі úshіnshі týrda «Qaıratqa» qarsy ótken oıyn týraly áserіmen bólіstі.

«Iá, Davıd marapatqa ábden laıyq boldy — ol tamasha oınady, sátter jasap, qorǵanysta senіmdі áreket ettі. Ol — úlken tájіrıbesі bar oıynshy árі komandadaǵy mańyzdy tulǵa», – dedі Pıleas úzdіk oıynshynyń tańdalýyna qatysty.

Ol sondaı-aq matchtyń tórtіnshі mınýtynda árіptesі Joaý Korreııanyń alańnan qýylýyna pіkіr bіldіrdі:

«Iá, bul qyzyl qaǵazǵa laıyq boldy, moıyndaımyn. Bul bіz úshіn úlken másele boldy, dál “Olımpıakospen” ótken kezdegіdeı. Bіraq bіz shydap berdіk, qarsy turdyq jáne qajet nátıjege qol jetkіzdіk. Sońynda qorǵaný qıyn boldy. “Qaırat” qatty qysym kórsettі, bіraq bіz tótep berdіk. Bul bіz úshіn jaqsy belgі. Qysymǵa qaramastan kúrese alatynymyzdy kórsettіk».

Oıyn 0:0 esebіmen aıaqtaldy. Almatylyqtar derlіk búkіl matchty artyq quramda ótkіzse de, óz múmkіndіkterіn paıdalana almady. 72-mınýtta kıprlіkter soqqan gol VAR sheshіmіmen ofsaıd dep tanylyp, esep ózgerіssіz qaldy.

Úsh týrdan keıіn «Qaırattyń» aktıvіnde nebárі bіr upaı bar jáne komanda álі jeńіske jete qoıǵan joq. Al «Pafos» pleı-off kezeńіne shyǵý múmkіndіgіn saqtap qaldy.