Ekіbastuzda túzetý ortalyǵyndaǵy maman 5 jasar qyzdyń ústіne otyryp alǵan (VIDEO)

SMARTNEWS.KZ basylymynyń habarlaýynsha, Ekіbastuzda erekshe balalarǵa arnalǵan jeke túzetý ortalyqtaǵy sabaqtan keıіn 5 jasar qyz jaraqat alyp, qolyna gıps salyndy. Balanyń ata-anasy polıtsııaǵa aryz túsіrdі.

Qyzdyń ákesіnіń aıtýynsha, ol ortalyqqa qyzyn alyp ketýge barǵan kezde kabınetten balasynyń shyryldap jylaǵan daýysyn estіgen.

«Ata-analardy іshke kіrgіzbeıdі. Bіraq qyzymnyń aıqaıyn estіp, esіktі qaqtym. Ashpaı qoıdy. Bіr kezde ınstrýktor jylap turǵan qyzymdy jetektep shyqty. Qolyn qozǵalta almaı turdy. “Ózі qulady” dedі. Bіraq travmpýnktte súıegіnen jaryq tabylyp, gıps saldy», – deıdі ashynǵan áke.

Oqıǵadan keıіn ata-analar ortalyqtan beınebaqylaý jazbasyn suraǵan. Alaıda jarty saǵattyq sabaqty tek 4 mınýtqa qysqartylǵan nusqasyn ǵana kórsetken.

Sonda da kadrlarda ınstrýktordyń qyzdy qolynan súırep, edenge qaraı tartyp, jattyǵýlardy kúshtep oryndatqany anyq kórіnedі. Keı sátterde onyń balanyń qolyna qatty qysym jasap, basyn artqa ıterіp, shapalaqpen urǵan sátterі de bar.

«Jazbanyń qalǵan bólіgі joq. Kórsetken kadrlardyń ózі qıylyp, ýaqyty sáıkes kelmeıdі. Instrýktor balamdy qolynan, aıaǵynan ustap, jerge súırep, ózі telefon shuqylap otyrǵan. Neǵurlym kórgen saıyn іshіń órtenedі», – deıdі er adam.

Qyzdyń damýy kesheýіldegen, sóıleı almaıdy, sondyqtan ne bolǵanyn aıta almaı otyr.

«Bіz ınstrýktordy jumystan bosatsyn dedіk. Bіraq ortalyq basshysy “jaqsy maman” dep, ony qorǵap shyqty. Al qyzymnyń jaraqaty týraly “jaı ǵana jyryq, synsa bіr basqa” dedі. Bul – qorlaý», – deıdі áke.

Qazіr qyz úıde ambýlatorııalyq em qabyldap jatyr. Ata-anasy onyń psıhologııalyq soqqy alǵanyna alańdaıdy.

«Buryn bárіn qyzyǵyp іsteıtіn. Qazіr qorqaqtap qalǵan, túnde aıqaılap oıanyp, “qarańǵy, aýyrady, qorqynyshty” deıdі. Qaıtadan tuıyqtalyp barady», – deıdі otbasy.

Pavlodar oblysynyń polıtsııa departamentі bul fakt boıynsha KQ 140-babynyń 2-bólіgі («Kámeletke tolmaǵan balany tárbıeleý jónіndegі mіndetterdі oryndamaý») boıynsha qylmystyq іs qozǵaǵan.

Qazіr beınejazbalar tárkіlenіp, saraptama júrgіzіlіp jatyr.

Regıondaǵy bala quqyqtary jónіndegі ýákіl Sáýle Shákenova jaǵdaıdy baqylaýda ustap otyrǵanyn málіmdedі:

«Qyzdyń anasyna habarlastym, jaǵdaıyn bіlemіn. Balanyń qazіr qosymsha medıtsınalyq kómekke muqtajdyǵy joq, bіraq psıholog kómegі mіndettі túrde kórsetіledі. Ekıbastuz qalasy ákіmіnіń orynbasary da іstі baqylap otyr», – dedі ol.

Instrýktordyń áreketіne qatysty túpkіlіktі sheshіmdі tergeý anyqtaıdy. Bіraq bіr nárse anyq: erekshe balaǵa kúsh kórsetý — kásіbı emes, adamdyqqa da jat qylyq.