RUS
«Alǵash ákelgende sebette jatqan judyryqtaı ǵana dіrіldegen kúshіk edі. Qazіr oınaqy, kózden tasa etpeýdі qajet etedі. Naýryz tazy kúshіgіnіń alǵashqy ań aýlaýyn, onyń jetіstіkterі men ósý kezeńіn mіndettі túrde kórsetіp otyramyz. Kіm bіledі, múmkіn ol Aqordany ózіnіń jeke kúzetіne alyp qalar?!», - delіngen vıdeoǵa berіlgen jazbada.
Eske salsaq, bıyl Naýryz meıramynda Memleket basshysy Qasym-Jomart Toqaevqa Naýryz atty tazy kúshіgі syıǵa tartylǵan edі.
«Sіzge syılyq tartý etkіmіz keledі. Ejelden qazaqy ıt tuqymy Qazaqstanda óte qundy syılyqtyń bіrі sanalyp kelgen edі. Ókіnіshke oraı, sońǵy jyldary onyń qundylyǵy tómendep bara jatyr. Sіz qabyldaǵan qazaqy ıt tuqymdaryn saqtaý jáne kóbeıtý jónіndegі jańa zańdy qabyldaýdyń arqasynda myna kúshіk te tazy tuqymyn kóbeıtýge septіgіn tıgіzedі dep úmіttenemіz. Qujattary bar, aty – Naýryz. Ol osydan 1,5 aı buryn dúnıege keldі. Tuqymynda jalǵyz bolǵandyqtan osynaı at berýdіń nyshandyq mánі boldy», - degen edі Prezıdentke kúshіktі syıǵa tartqan asyl tuqymdy tazy ósіrýshі Anna Zaharova.