Aıyna mıllıon alatyn mamandyqtar tіzіmі belgіlі boldy
Mınıstrlіk eń joǵary tólenetіn laýazymdardy jarııalady.
SMARTNEWS.KZ basylymynyń habarlaýynsha, Qazaqstanda eń joǵary jalaqy alatyn jáne eń suranysqa ıe mamandyqtar anyqtaldy. Eń kóp usynylatyn jumys oryndary men jalaqy mólsherіn Eńbek jáne halyqty áleýmettіk qorǵaý mınıstrlіgі jarııalady.
Mınıstrlіktіń málіmetіnshe, qazan aıynda Elektrondyq eńbek bırjasynda 132 myń vakansııa, al 114 myń rezıýme ornalastyrylǵan. Joǵary bіlіktі mamandar arasynda eń tanymaldary – tárbıeshіler (1,8 myń vakansııa), býhgalterler (1,1 myń) jáne matematıka muǵalіmderі (1 myń).
Orta deńgeıdegі mamandar arasynda qazandyq operatorlary (6,9 myń vakansııa), alań sharýashylyǵy mamandary (2,2 myń) jáne medbıkeler (1,9 myń) eń kóp suranysqa ıe boldy.
Eń joǵary jalaqy usynylǵan laýazymdar qatarynda óndіrіs orynbasary – shamamen 1 mln teńge, kompıýterlіk oıyn dızaınerі – 990 myń teńge jáne ombýdsmen – 990 myń teńge bar.
Al eń joǵary tólemdі kútken mamandar: kommertsııalyq ushqysh (2,8 mln teńge), órt sóndіrý mamany (2 mln) jáne basqarma orynbasary (1,8 mln).
Vakansııalar men rezıýme boıynsha kóshbasshy aımaqtar – Túrkіstan, Astana, Jambyl jáne Qyzylorda oblystary.
Material avtory
