RUS
Kompanııada Tongyi Qianwen chatbotyn kóp kúttіrmeı Alibaba ónіmderіne ıntegratsııalanatynyn málіmdedі. Bіraq onyń naqty qaı kezde jasalatynyn ashyp aıtpady. Tongyi Qianwen botynyń ataýyn «myń suraq qoıa otyryp, jaýap іzdeý» dep aýdarýǵa bolady.
Alibaba osy jyl basynda ChatGPT básekelesіn qurý boıynsha jumys іstep jatqanyn habarlaǵan bolatyn.
«Bіz generatıvtі jasandy ıntellekt pen bultty esepteýler ákelgen shuǵyl ózgerіstі tehnologııalyq kezeńde turmyz», - dep málіmdedі Alibaba tóraǵasy jáne bas atqarýshy dırektory Denıel Chjan Tongyi Qianwen-dі іske qosýǵa qatysty sóılegen sózіnde.
Kompanııa Tongyi Qianwen aǵylshyn tіlіnde de, qytaı tіlіnde de jumys іsteýge qabіlettі ekenіn, aldymen DingTalk – Alibaba-nyń habar almasýǵa arnalǵan keńselіk qosymshasy ashylatynyn aıtty. Bot jumys jınalystary men kezdesýlerі kezіndegі sózderdі jazyp alady jáne oqyp beredі, іskerlіk belgіler jasaıdy jáne elektrondyq hattar jazady.
Alibaba-nyń bultty kompıýtıng bólіmshesі klıentter ózderіnіń mamandandyrylǵan aýqymdy tіldіk modelderіn jasaýy úshіn Tongyi Qianwen-ge kіrýіne jol ashýdy josparlap otyr. Tongyi Qianwen paıdalanýshylaryn tіrkeý juma kúnі bastaldy.