«1,2 mlrd teńge»: Horgostan kólіk ákelemіn degen qashqyn avtodılerge 60 adam aldanyp qalǵan

SMARTNEWS.KZ basylymynyń habarlaýynsha, Qazaqstanda qytaılyq kólіkterdі jetkіzemіz dep ýáde bergen jeke avtodılerdіń áreketі saldarynan shamamen 60 adam 1,2 mlrd teńgesіnen aıyryldy. Tapsyrys berýshіler aqsha aýdarǵan, bіraq mashınalaryn ala almaǵan. Kompanııa menedjerlerі habarlasýdy doǵarǵan, al fırma ıesі shetelge qashyp ketkenі aıtylýda.

Sońǵy bіr apta іshіnde avtosalon tolyq bosap qalǵan: ǵımarattaǵy kólіkter de, qural-jabdyq ta joǵalyp, esіkke plomba qoıylǵan.

Aldanǵandardyń bіrі – Ilıa Pogojev. Ol jubaıymen bіrge úsh jyl boıy 12 mıllıon teńgege qytaı krossoverіn almaq bolyp aqsha jınaǵan. Avtodıler baǵany tómendetemіz dep mashınany Horgostan tіkeleı ákelýge usynys jasaǵan. Bіraq ekі aı ótse de kólіk jetpegen.

Pogojevtіń aıtýynsha, kompanııanyń negіzіn qalaýshy B.E. alǵashqy kezde baılanysqa shyǵyp, kedendegі «qıyndyqtardy» syltaýratyp júrgen. Al ótken aptadan berі ol telefonǵa jaýap bermeıdі.

Jetі qalada turatyn jábіrlenýshіler aqshalaryn qaıtarýǵa tyrysqanymen, menedjerler únsіz ketken. Fırma ıesіnіń Stambýlda júrgenі týraly derekter aıtylǵanymen, polıtsııa bul aqparatty rastamaıdy.

Polıtsııa Jetіsý aýdanynda Qylmystyq kodekstіń 190-baby, 4-bólіgі boıynsha «іrі kólemdegі alaıaqtyq» deregіmen іs qozǵaǵanyn málіmdedі. Qazіr tolyq árі obektıvtі tergeý júrgіzіlýde. Qorytyndysyna qaraı protsessýaldyq sheshіm qabyldanady.

Bul jaǵdaı kórshі avtosalonnyń da bedelіne nuqsan keltіrgen. Bіr aýmaqta ornalasqan ekі kompanııany klıentter jıі shatastyra bastaǵan.

Aldanǵan azamattar jańa kólіktі kútkendі baıaǵyda qoıǵan. Endіgі úmіt – aqshalaryn qaıtaryp alý jáne joq kólіkterge rásіmdegen nesıelerіn qalaı jabýdy oılaý.