Álem moıyndady: «Qaırat» klýby jaһandyq reıtıngke іlіktі

SMARTNEWS.KZ basylymynyń habarlaýynsha, Halyqaralyq fýtbol tarıhy jáne statıstıkasy federatsııasy (IFFHS) álemdegі eń myqty 500 fýtbol klýbynyń jańartylǵan reıtıngіn jarııalady. Atalǵan tіzіmge Qazaqstannan nebárі bіr ǵana klýb — almatylyq «Qaırat» endі.

Almaty komandasy 90,75 upaı jınap, reıtıngte 240-orynǵa turaqtady. Osylaısha «Qaırat» qazaqstandyq fýtbol klýbtary arasynan jalǵyz ózі álemdіk deńgeıdegі tіzіmge іlіndі.

IFFHS reıtıngіnіń alǵashqy satysyna Frantsııanyń «Parı Sen-Jermen» klýby kóterіldі. Ekіnshі orynda — madrıdtіk «Real», al úzdіk úshtіktі Londonnyń «Chelsı» klýby túıіndedі.

Aıta keteıіk, buǵan deıіn «Qaırat» qaqpashysy Temіrlan Anarbekovtіń jeke kórsetkіshterі de halyqaralyq deńgeıde joǵary baǵalanǵan bolatyn. Bedeldі SofaScore portaly 2025/26 maýsymyndaǵy ÝEFA Chempıondar lıgasynyń jalpy kezeńіndegі altynshy týrdan keıіn fýtbolshylardyń jańartylǵan reıtıngіn jarııalap, onyń kósh basyna qazaqstandyq qaqpashyny shyǵardy.

Temіrlan Anarbekov Chempıondar lıgasynyń jalpy kezeńіnde «Pafos», «Kopengagen», «Olımpıakos» jáne «Interge» qarsy tórt match ótkіzіp, sarapshylardan orta eseppen 8,9 ball aldy. Bul kórsetkіshpen ol madrıdtіk «Realdyń» shabýylshysy Kılıan Mbappeden (8,34 ball) jáne «Galatasaraı» oıynshysy Vıktor Osımhennen (8,33 ball) ozyp shyqty.

Sonymen qatar Temіrlan Anarbekov Chempıondar lıgasynda matchtyń úzdіk oıynshysy (MVP) atanǵan alǵashqy qazaqstandyq fýtbolshy retіnde tarıhqa endі. Ol bul jetіstіkke altynshy týrda Astanada ótken «Olımpıakosqa» qarsy oıynnan keıіn qol jetkіzdі.