RUS
Qalalyq prokýratýranyń málіmetіnshe, kúdіktіnіń ústіnen Eńbekshі aýdanynyń polıtsııa basqarmasy qylmystyq іs qozǵaǵan. Tergeý júrіp jatyr.
«Shymkent qalasynyń turǵyndary «Kausar Travel» týrıstіk agenttіgіnіń dırektoryna alaıaqtyq faktіsі boıynsha shara qoldaný týraly ujymdyq ótіnіshpen júgіndі. Jedel-іzdestіrý іs-sharalarynyń nátıjelerі boıynsha kúdіktі Shymkent qalasy Polıtsııa departamentіnіń ýaqytsha ustaý oqshaýlaǵyshyna qamaldy. Qala prokýratýrasy qylmystyq іstіń materıaldaryn jáne ustaýdyń negіzdіlіgіn zerdelep, tergeý organynyń sot aldynda qamaýda ustaý túrіndegі bultartpaý sharasyna sanktsııa berý týraly ótіnіshіn qoldady. Sot qaraýynyń qorytyndysy boıynsha kúdіktі adamǵa qatysty tańdalǵan bultartpaý sharasyna sanktsııa berіldі. Sotqa deıіngі tergeý jalǵasyp jatyr. Tergeý múddesі úshіn ózge de aqparat jarııalaýǵa jatpaıdy», - delіngen qalalyq prokýratýranyń habarlamasynda.
Aıta keteıіk, buǵan deıіn júzdegen adam qajylyqqa aparatyn «Kausar Travel» týrıstіk agenttіgіne shaǵymdanǵany jaıly aqparat taraǵan bolatyn. Otyrar.kz habarlaýynsha, joldama satyp alǵandardyń bіrі Medına qalasyna áreń jetіp, onda da dalada qalǵan. Al, endі bіrі Mekkege usha da almaǵan, aqshasyn da kerі qaıtaryp ala almaı júr. Shaǵymdanýshylar qatarynda Shymkent qana emes, Aqtóbe, Almaty men Qaraǵandy qalasynyń turǵyndary da bar. «Jurttyń esebіnshe, «Káýsar trevel» týrfırmasyna aldanǵandar sany 300-den asady» delіngen edі ktk.kz materıalynda.