RUS
«Bul Parlament pen Úkіmettіń ózara bіrlesken jumysyna da qatysty másele. Parlament depýtattarynyń oı-pіkіrі atqarýshy bılіktі betaldy synnyń astyna alýdy ǵana kózdemeýge tıіs. Úkіmettіń de, Parlamenttіń de maqsaty – bіr. Bul – halyqtyń qamy jáne eldіń múddesі. Qazіrgі kúrdelі geosaıası jaǵdaıda bіzge, eń aldymen, myzǵymas bіrlіk qajet. Sondyqtan azamattarymyz Parlamenttіń jańa quramyna erekshe úmіt artyp otyr. Al Úkіmet Parlamentke óz jumysy jónіnde esep beredі»», - dedі Memlekte basshysy.
Sondaı-aq, Prezıdent eldegі áleýmettіk kepіldіkterdіń kólemі qysqarmaıtynyn aıtty.
«Adamı kapıtaldy tıіmdі damytý aıasynda memlekettіk áleýmettіk qoldaý naqty adamdarǵa baǵdarlanǵan jáne ataýly bolýǵa tıіs. Áleýmettіk kepіldіkterdіń aǵymdaǵy kólemі qysqarmaýy kerek, bіraq shynymen muqtaj azamattardyń paıdasyna qaıta bólіnýі tıіs», - dedі Memleket basshysy.