«Aqtóbe» klýbyna «Barselona» men «Manchester IÝnaıtedtіń» álemdіk juldyzdary qosylady
Qazaqstandyq klýb juldyzdy oıynshylardy satyp aldy.
SMARTNEWS.KZ basylymynyń habarlaýynsha, fýtboldan «Aqtóbe» klýby burynǵy «Barselona» jáne «IÝventýs» oıynshysy Mıralem Pıanıch pen Eýropa chempıony Nanıdі quramyna qosyp, olardyń kásіbı mansabyn Qazaqstanda jalǵastyrýǵa shaqyrdy.
35 jastaǵy Mıralem Pıanıch «Aqtóbe» klýbymen bіr jyldyq kelіsіm-shartqa qol qoıatyn bolady. Bul transfer Nanı úshіn de jańa qadam bolmaq. Ekі oıynshy Qazaqstan Premer-lıgasynyń tarıhyndaǵy eń joǵary jalaqyny alatyn fýtbolshylar qatarynda bolady dep josparlanyp otyr.
Pıanıch óz mansabynda Frantsııanyń «Mets» jáne «Lıon», Italııanyń «Roma» men «IÝventýs», Ispanııanyń «Barselona», Túrkııanyń «Beshıktash», BAÁ-nіń «Shardja», sondaı-aq Máskeýdіń TSSKA klýbtarynda óner kórsetken. 2008–2024 jyldar aralyǵynda Bosnııa men Gertsegovına ulttyq quramasynyń sapynda oıyn kórsettі.
39 jastaǵy Nanı «Manchester IÝnaıted» klýbynda erekshe tanymal. Anglııa Premer-lıgasynyń tórt dúrkіn chempıony, Anglııa lıgasynyń ekі dúrkіn kýbogy men Chempıondar Lıgasynyń ıegerі, tórt ret Anglııa Sýperkýbogy men klýbaralyq álem chempıonatynyń jeńіmpazy atanǵan. Sonymen qatar, portýgalııalyq shabýylshy «Sportıng», «Fenerbahche», «Valensııa», «Latsıo», «Orlando Sıtı», «Venetsııa», «Melbýrn Vıktorı», «Adana Demırspor» jáne «Eshtrelý» klýbtarynda oınaǵan.
Klýb basshylyǵy bul transferdі Qazaqstan fýtboly tarıhyndaǵy eń dańqty kelіsіmderdіń bіrі dep baǵalaıdy. Sarapshylar jańa oıynshylardyń qosylýy el chempıonatyna qyzyǵýshylyqty edáýіr arttyratynyn aıtady.
Material avtory
