Qazaqstan reseılіk belsendіnі elіne qaıtarýǵa kelіstі
Belsendі buryn Navalnyıdyń shtabynda bolǵan.
SMARTNEWS.KZ basylymynyń habarlaýynsha, Qazaqstannyń Bas prokýratýrasy Reseı Federatsııasynyń suraýy boıynsha belsendі IÝlııa Emelıanovany ekstradıtsııalaý týraly sheshіm qabyldady. Bul týraly oǵan quqyqtyq kómek kórsetіp otyrǵan «Antıvoennyı komıtet» habarlady.
Quqyq qorǵaýshylardyń málіmetіnshe, ekstradıtsııalaý jónіndegі qaýly IÝlııa Emelıanovaǵa 29 qańtarda tabystalǵan. Alaıda qorǵaý tarapy bul sheshіm týraly tek tergeý ızolıatoryna barǵan kezde ǵana bіlgen.
Belsendі jaqtastary ekstradıtsııalaý týraly qaýlyǵa sot tártіbіmen shaǵym túsіrmek. Sebebі Qazaqstan bılіgі Emelıanovanyń saıası baspana berý jónіndegі ótіnіshіn álі qarastyryp jatyr.
«Antıvoennyı komıtettіń» málіmetіnshe, buǵan deıіn Qazaqstannyń Bas prokýratýrasy saıası baspana berý máselesі boıynsha túpkіlіktі sheshіm shyqqanǵa deıіn ekstradıtsııalaý protsesі toqtatylatynyna kepіldіk bergen.
Reseı tarapy IÝlııa Emelıanovany taksı júrgіzýshіsіnіń uıaly telefonyn urlady degen kúdіkpen ekstradıtsııalaýdy talap etіp otyr. Tergeý materıaldarynda sóz bolyp otyrǵan telefonnyń quny – 12 myń rýbl.
IÝlııa Emelıanova 2025 jyldyń kúzіnde Almaty áýejaıynda ustalǵan. Reseı bılіgі ony «múlіktіk sıpattaǵy qylmystar jasady» degen kúdіkpen memleketaralyq іzdeýge jarııalaǵan.
Belsendіnіń advokaty Murat Adamnyń aıtýynsha, Reseıde Emelıanovaǵa 2021 jyly taksı júrgіzýshіsіnіń uıaly telefonyn alyp ketken degen aıyp taǵylǵan.
«Antıvoennyı komıtet» bul іstі saıası astary bar qýdalaý dep baǵalaıdy. Uıym deregіnshe, IÝlııa Emelıanova buryn Sankt-Peterbýrgtegі Alekseı Navalnyı shtabynyń erіktіsі bolǵan. Ol 2022 jyldyń jazynda, ózіne qatysty urlyq baby boıynsha qylmystyq іs sotqa joldanǵannan keıіn Reseıden ketken.
Sondaı-aq quqyq qorǵaý uıymy Qazaqstannyń buǵan deıіn de Reseıde saıası sebeppen qozǵaldy dep sanalatyn іster boıynsha azamattardy ekstradıtsııalaǵanyn eske saldy.
2026 jyldyń basynan berі Qazaqstan bılіgі Reseıge sheshen belsendіsі Mansýr Movlaevty jáne áskerden qashqan Semen Bajýkovty ekstradıtsııalaýǵa kelіsken. Sonymen qatar IT-maman Aleksandr Kachkýrkın elden deportatsııalanǵan. Máskeýge jetkіzіlgen soń ol «memleketke opasyzdyq» baby boıynsha ustalǵan.
Material avtory
