Almatyda jer telіmі AQSh-qa 49 jylǵa jalǵa berіledі
Almatyda іrі dıplomatııalyq joba bastaldy.
SMARTNEWS.KZ basylymynyń habarlaýynsha, AQSh-tyń Qazaqstandaǵy jańa elshіsі Djýlı Stafft Almatyda AQSh konsýldyǵyn salý jobasyna qatysty pіkіr bіldіrdі.
Elshіnіń aıtýynsha, Almatydaǵy konsýldyq ǵımaratynyń qurylysy – aýqymy keń, strategııalyq mańyzy bar joba.
«Bul bastama ekі el arasyndaǵy dıplomatııalyq qatynastarǵa berіk adaldyǵymyzdy taǵy bіr márte dáleldeıdі árі AQSh-tyń Almatydaǵy dıplomatııalyq qatysýyn edáýіr keńeıtedі. Bіz Astanada barmyz, endі Almatydaǵy mıssııanyń aýqymy kúsheıedі», – dedі ol.
Stafft jobany tolyq aıaqtaýǵa bіrneshe jyl qajet bolatynyn atap óttі.
Buǵan deıіn, 2025 jyldyń basynda Qazaqstan Respýblıkasy Parlamentі Májіlіsі AQSh-qa Almaty qalasynan konsýldyq mekeme salý úshіn jer telіmіn jalǵa berý týraly zań jobasyn jumysqa qabyldaǵany habarlanǵan bolatyn. Qujatta aýmaǵy 70 myń sharshy metrden asatyn jer ýchaskesіn 49 jyl merzіmge jalǵa berý kózdelgen.
Keıіnіrek Syrtqy іster mınıstrіnіń orynbasary Álіbek Baqaev Májіlіs kýlýarynda konsýldyq ǵımaraty salynýy múmkіn aýmaqqa qatysty málіmet bergen.
Al qala ákіmdіgі jańa nysandardyń naqty ornalasatyn jerі Medeý aýdany aýmaǵynda ekenіn túsіndіrgen. Joba Almaty qalasynda júzege asyrylady.
Material avtory
