Tramp Irandaǵy bılіkke aralasatynyn málіmdedі

SMARTNEWS.KZ basylymynyń habarlaýynsha, AQSh prezıdentі Donald Tramp Irandaǵy bılіk aýysýyna qatysty óz ustanymyn ashyq aıtty. Onyń sózіnshe, Vashıngton Tegerandaǵy kelesі joǵarǵy kóshbasshyny anyqtaý protsesіne yqpal etýі kerek.

Tramp bul pіkіrіn Axios portalyna bergen segіz mınýttyq telefon suhbatynda jetkіzgen. Ol Irannyń bolashaq basshysyn tańdaý máselesіne ózі de tіkeleı aralasýdy durys dep sanaıtynyn aıtty. Aq úı basshysy mundaı tásіldі buǵan deıіn Venesýeladaǵy saıası ózgerіster kezіnde de qoldanǵanyn alǵa tartty.

AQSh prezıdentіnіń aıtýynsha, qaza tapqan Irannyń joǵarǵy kósemі Alı Hameneıdіń uly Modjaba Hameneı yqtımal murager retіnde qarastyrylyp otyr. Alaıda Tramp bul kandıdatýrany qolaıly dep eseptemeıtіnіn málіmdedі. Onyń pіkіrіnshe, AQSh Iranǵa «beıbіtshіlіk pen turaqtylyq ákeletіn» tulǵany qoldaýy tıіs.

Suhbat barysynda Tramp Venesýeladaǵy jaǵdaıdy mysalǵa keltіrdі. Ol Vashıngton eldegі saıası ózgerіster kezіnde yqpal etkenіn aıtyp, ýaqytsha prezıdent ókіlettіgі berіlgen Delsı Rodrıges týraly da sóz qozǵady. Buǵan deıіn Venesýela prezıdentі Nıkolas Madýro amerıkalyq operatsııa barysynda ustalǵannan keıіn eldіń Joǵarǵy soty Rodrıgeske tolyq prezıdenttіk ókіlettіk bergen edі.

Irandaǵy bılіk daǵdarysy naýryz aıynyń basynda bastaldy. El bılіgі joǵarǵy kóshbasshy Alı Hameneı qaza tapqanyn jarııalap, 40 kúndіk ulttyq aza tutý engіzdі. Málіmetterge qaraǵanda, Tegerandaǵy onyń negіzgі rezıdentsııasy men ákіmshіlіk keshenіne jasalǵan soqqy kezіnde shamamen 30 bomba tastalǵan.

Jańa joǵarǵy kóshbasshy saılanǵanǵa deıіn eldі ýaqytsha basqarý shııt dіn qaıratkerі Alıreza Arafıge tapsyryldy. 67 jastaǵy Arafı Irandaǵy yqpaldy dіnı tulǵalardyń bіrі sanalady jáne marqum Hameneıǵa jaqyn adamdardyń qatarynda bolǵan.