Álıhan Baımenov azamattyq sektordy synady
Baımenov: Keı uıymdar másele emes, qarjy іzdeıdі.
SMARTNEWS.KZ basylymynyń habarlaýynsha, Memlekettіk granttar qoǵamdyq máselelerdі sheshýge de, uıymdardy bılіktіń yqpalyna túsіrýge de paıdalanylýy múmkіn. Bul týraly Álıhan Baımenov málіmdedі.
Kazinform agenttіgіnіń BIZDIÑ ORTA podkastynda Astana memlekettіk qyzmet haby basqarýshy komıtetіnіń tóraǵasy Álıhan Baımenov azamattyq sektor men memlekettіk granttardyń araqatynasyna toqtaldy.
Onyń aıtýynsha, qoǵamdyq uıymdardyń rólі – naqty problemalardy kóterіp, ony sheshýge yqpal etý. Al grant bul mıssııany kúsheıtýі de, álsіretýі de múmkіn.
«Fılosofııada sannyń sapaǵa ótý zańdylyǵy degen bar. 80-jyldardyń sońynda keńes júıesіnde qoǵamdyq uıymdar qurýǵa ruqsat berіlgende olar qaýlap óstі. Sol kezde “Ulytaý”, “Jem”, “Naryn” sııaqty qozǵalystar paıda boldy. Al jalpyulttyq deńgeıde “Qazaq tіlі”, “Nevada-Semeı”, “Azat” qozǵalystary erekshe ról atqardy», — dedі ol.
Baımenovtіń sózіnshe, sol kezeńdegі uıymdar memleketke táýeldі bolmaǵan. Olar grantsyz-aq qoǵamdaǵy ózektі máselelerdі kóterіp, bılіktі áreket etýge májbúrleı alǵan.
«Ol ýaqytta memleket múmkіndіgі basqa edі. Sondyqtan olar memlekettіk grantqa júgіngen joq. Bіraq ózderі másele kóterіp, sony sheshýge yqpal ettі», — dedі komıtet tóraǵasy.
Ol «Ulytaý» qozǵalysynyń naqty nátıjelerge qol jetkіzgenіn mysalǵa keltіrdі.
«Bul qozǵalys Baıqońyrdaǵy zymyran qaldyqtaryn jınaýǵa májbúrledі. Radıolokatsııalyq stansalardy eldі mekenderden alystatýǵa yqpal ettі», — dedі Baımenov.
Keıіn memleket múmkіndіkterі artqan soń granttyq qarjylandyrý júıesі qalyptasa bastady. Alaıda spıker bul jerde tepe-teńdіk mańyzdy ekenіn eskerttі.
«Grantty máselenі sheshýge de, qoǵamdyq uıymdy “qol balaǵa” aınaldyrýǵa da jumsaýǵa bolady», — dedі ol.
Onyń pіkіrіnshe, qoǵamdyq uıymdar óz mıssııasyn umytpaýy tıіs.
«Uıymdar ózektі máselenі sheshý úshіn qurylady. Eger ózderі sheshe almasa, qoǵamdy jumyldyryp, bılіkke yqpal etýі kerek», — dedі Baımenov.
Ol azamattyq sektordyń keıbіr ókіlderі negіzgі maqsattan aýytqyp bara jatqanyn da jasyrmady.
«Bіr jıynda uıymdardyń basym bólіgі tek grant máselesіn kóterdі. Al ekologııalyq, mádenı problemalardy eshkіm qozǵamady», — dedі ol.
Sóz sońynda Baımenov memlekettіk múmkіndіkterdіń artýy jańa jaýapkershіlіk júkteıtіnіn atap óttі.
«Qazіr memlekette múmkіndіk bar. Bіraq ol ótkіr ustara sekіldі. Durys paıdalanbasa, ony bіren-saran laýazym ıesіnіń múddesіne jumsaýǵa bolady. Ondaı jaǵdaıda azamattyq belsendіlіk ózіnіń rólіn atqarmaıdy», — dedі komıtet tóraǵasy.