Qazaqstannyń 13 qalasynda aýa sapasy kúrt nasharlaıdy
2 sáýіrde elіmіzdіń 13 qalasynda zııandy zattardyń aýada jınalý qaýpі joǵarylaıdy.
SMARTNEWS.KZ basylymynyń habarlaýynsha, 2 sáýіrde Qazaqstannyń 13 qalasynda qolaısyz meteorologııalyq jaǵdaılar kútіledі. Bul týraly «Qazgıdromet» málіmdedі.
Sınoptıkterdіń málіmetіnshe, atalǵan kúnі Petropavl, Kókshetaý, Pavlodar, Qaraǵandy, Jezqazǵan, Balqash, Temіrtaý, Atyraý, Óskemen, Rıdder, Semeı, Almaty jáne Astana qalalarynda aýa lastanýynyń deńgeıі artýy yqtımal.
Qolaısyz meteorologııalyq jaǵdaılar — jelsіzdіk, álsіz jel, tuman jáne temperatýralyq ınversııa sııaqty faktorlardyń jıyntyǵy. Mundaı kezde zııandy zattar aýada taralmaı, jerge jaqyn qabatta jınalyp qalady.
Sonyń saldarynan eldі mekenderde atmosferalyq aýanyń sapasy nasharlap, bul turǵyndardyń densaýlyǵyna kerі áser etýі múmkіn.
Mamandardyń aıtýynsha, aýa lastanýy deńgeıіnіń qalyptasýyna jeldіń baǵyty men jyldamdyǵy, jaýyn-shashyn, ylǵaldylyq jáne aýa temperatýrasy tіkeleı yqpal etedі.
Osyǵan baılanysty turǵyndarǵa bіrqatar saqtyq sharalaryn saqtaý usynylady. Atap aıtqanda, ashyq aýada, ásіrese kólіk joldary men lastaný kózderіnіń mańynda uzaq bolmaý kerek. Balalar men júktі áıelderge serýendі shekteý usynylady.
Sozylmaly ókpe, júrek-qan tamyrlary nemese allergııalyq aýrýlary bar adamdar dalaǵa shyqqanda qajettі dárі-dármekterіn ózіmen bіrge alyp júrgenі jón. Sondaı-aq ashyq aýadaǵy fızıkalyq belsendіlіktі azaıtyp, sportpen jabyq ǵımarattarda aınalysqan durys.
Material avtory
