RUS
«Keıіngі kezderі qoǵamda Qytaı men Qazaqstan arasyndaǵy vızasyz rejımge qarsy pіkіrler aıtylyp jatyr. Bul kelіsіmge qol qoıylmady. Oǵan qol qoıylsa ǵana kúshіne enedі. Ekіnshіden, byltyr jazdan berі Qytaı azamattary Qazaqstanǵa 14 kúnge vızasyz kele alady. Qazaqstan kóshelerіnde qytaılar kóp júrgen joq. Endі 14 kúnge keletіn azamattar 30 kúnge kele alady. Kelіsіm Qazaqstanǵa da tıіmdі bolmaq. Eger kelіsіmge qol qoıylsa, Qazaqstan azamaty Qytaıǵa 30 kúnge vızasyz bara alady», - dedі A. Smadııarov elordada ótken baspasóz máslıhatynda.
Onyń aıtýynsha, eger adam 30 kúnnen asa elde bolsa, ol mіndettі túrde jazalanady. Vızasyz rejım týrıstіk árі іskerlіk saparlarǵa arnalyp otyr. Osy oraıda kelіsіmsharttardy bekіtý, konsýltatsııa júrgіzý, sondaı-aq basqa da іskerlіk qatynastarǵa baǵyttalǵan. Bul turǵyda jumysqa ornalasýǵa ruqsat etіlmeıdі.
«Sondaı-aq, júk kólіgіn júrgіzýshіler de vızasyz kіre alady. Bul bіraz máselenі sheshedі. Qos el arasyndaǵy saýda-sattyq ósіp, óńіraralyq yntymaqtastyq nyǵaıady, ekonomıkamyzǵa áser etedі. Qytaı – alpaýyt ekonomıkasy bar memleket. Qazaqstan – Ortalyq Azııada Qytaımen vızasyz rejım ornatqan jalǵyz memleket. Muny bіz dıplomatııalyq jeńіs dep esepteımіz», - dedі resmı ókіl.
Aıbek Smadııarov mamyrda atalǵan kelіsіmge qol qoıylýy múmkіn ekenіn aıtty.
Buǵan deıіn habarlanǵandaı, bıyl sáýіr aıynda Syrtqy іster mınıstrlіgі elіmіz ben Qytaı arasynda ornaýy múmkіn vızasyz rejımge túsіnіk berdі.