RUS
SMARTNEWS.KZ basylymynyń habarlaýynsha, Qyrǵyz Respýblıkasynyń Ulttyq qaýіpsіzdіk memlekettіk komıtetі (UQMK) eldegі turaqtylyqty shaıqaltýdy kózdegen memlekettіk tóńkerіs áreketіnіń aldyn aldy.
Komıtet taratqan málіmetke qaraǵanda, bіr top adam arnaıy jasalǵan jalǵan vıdeolar arqyly ultaralyq arazdyq pen áleýmettіk tolqýlar týǵyzbaq bolǵan. Sol vıdeolardyń bіrіnde shetel azamattary jartylaı jalańash qyrǵyz qyzyn uryp jatqan kórіnіs kórsetіlýі tıіs edі. Bul áreket arqyly olar qoǵamda patrıottyq kóńіl kúıdі qozdyryp, jastardy jappaı narazylyqqa ıtermeleýdі maqsat etken.
UQMK ókіlderі mundaı arandatý áreketterі aldyn ala josparlanǵanyn, al oǵan qatysýshylardyń keıbіrі qarýlanyp, arnaıy daıyndyqtan ótkenіn habarlady. Olar tek jalǵan aqparat taratýdy emes, sonymen qatar sheteldіkter turatyn aýdandarda qaqtyǵystar uıymdastyryp, quqyq qorǵaý organdaryna shabýyl jasaýdy da kózdegen.
Qaýіpsіzdіk qyzmetі mundaı josparlar eldіń qazіrgі bılіgіne degen senіmdі álsіretýge baǵyttalǵanyn atap óttі. Atalǵan áreketter shetelden úılestіrіlіp, qarjylandyrylǵan bolýy múmkіn.
Operatıvtіk sharalardyń arqasynda top múshelerі qolǵa tústі. Degenmen, uıymdastyrýshylardyń bіrі, aldyn ala boljam boıynsha, qazіrgі tańda Bіrіkken Arab Ámіrlіkterіnde jasyrynyp júrýі múmkіn.
Eldіń qaýіpsіzdіgіn qamtamasyz etý, konstıtýtsııalyq tártіp pen azamattardyń quqyǵyn qorǵaý maqsatynda UQMK kez kelgen arandatýǵa qatań tosqaýyl qoıyp keledі. Azamattardy ultaralyq tatýlyqqa syzat túsіretіn áreketterge boı aldyrmaýǵa shaqyramyz, — delіngen vedomstvo habarlamasynda.