Qazaqstan-Ózbekstan shekarasynda keptelіs paıda boldy: UQK sebebіn túsіndіrdі
Shekara qyzmetterі týyndaǵan máselenі bіrlesіp sheshýge kіrіskenіn habarlady.
SMARTNEWS.KZ basylymynyń habarlaýynsha, Qazaqstan men Ózbekstan shekarasyndaǵy «Qaplanbek» ótkіzý beketіnde uzyn-sonar kezek paıda boldy. Shekaradan ótýdі kútken adamdardyń jınalýyna kórshі el aýmaǵyndaǵy tehnıkalyq aqaý sebep bolǵan.
UQK málіmetіnshe, másele Ózbekstandaǵy «Navoı» ótkіzý pýnktіnіń tіrkeý júıesіndegі іrkіlіske baılanysty týyndaǵan. Sonyń saldarynan shekaradan ótý protsesі baıaýlap, jolaýshylar sany kúrt kóbeıgen.
Al qazaqstandyq taraptaǵy ótkіzý beketі qalypty rejımde jumys іstep tur. Vedomstvo shekarada eshqandaı shekteý engіzіlmegenіn naqtylady.
Qazіr ekі eldіń shekara qyzmetterі bіrlesіp jumys júrgіzіp jatyr. Ózbekstan tarapy júıedegі aqaýdy joıý jáne tіrkeý qyzmetіn qalpyna keltіrý sharalaryn qolǵa alǵan.
Osyǵan baılanysty azamattarǵa «Qaplanbek» beketі arqyly sapar josparlaǵan kezde jaǵdaıdy aldyn ala eskerýge keńes berіldі.
Material avtory
