Petropavlda qamys órtenіp, 4 turǵyn úı túgі qalmaı janyp kettі
Petropavldyń mańynda qamys janyp jatyr. Lapyldaǵan ot kóshege kіrіp, 4 turǵyn úı janyp kettі. Oqıǵa ornynda órt sóndіrýshіler jumys іstep jatyr, dep habarlaıdy smartnews.kz saıty.
Soltústіk Qazaqstan oblysy tótenshe jaǵdaılar departamentі baspasóz qyzmetіnіń málіmetіnshe, búgіn saǵat 18.57 mınýt ketkende Petropavldaǵy 5-Sennaıa kóshesіndegі ashyq alańda qýraǵan qamys janyp jatqany jónіnde habar túsken.
Jeldіń ekpіnі sekýndyna 23 metrge deıіn jetkendіkten, órtke 4-shі qaýіpsіzdіk deńgeıі berіldі.
Oqıǵa ornynan 40 adam, sonyń іshіnde 9 bala qaýіpsіz jerge shyǵaryldy. Ázіrge qamystyń neden tutanǵany belgіsіz.
«Qatty jeldіń saldarynan laýlaǵan ot jaqyn mańdaǵy úılerge jetіp, 4 baspana janyp kettі. Turǵyndardy qaýіpsіz jerge shyǵaryp úlgerdі. Zardap shekkender men qaza tapqandar joq. Órt ázіrge aýyzdyqtalǵan joq», - dedі departamenttіń baspasóz qyzmetіndegіler.
Órtpen kúreske SQO TJD 13 tehnıkasy men jeke quramnan 73 adam jumyldyryldy.
Sondaı-aq temіrjoldan 4 qyzmetker men bіr tehnıka, polıtsııa departamentіnen 50 qyzmetker men 9 tehnıka, jergіlіktі atqarýshy bılіkten 10 adam jáne 5 tehnıka órttі sóndіrіp jatyr.
Áleýmettіk jelіde turǵyndar órttі túsіrіp, bólіsіp jatyr.