Tórt qalada qolaısyz aýa raıy kútіledі
Búgіn aýadaǵy zııandy zattar kóbeıýі múmkіn.
SMARTNEWS.KZ basylymynyń habarlaýynsha, 18 maýsymda Qazaqstannyń tórt qalasynda qolaısyz meteorologııalyq jaǵdaılar (QMJ) kútіledі. Mamandar turǵyndarǵa aýa raıy erekshelіkterіn eskerіp, syrttaǵy ýaqytyn josparlaýǵa keńes berdі.
Sınoptıkterdіń boljamynsha, 18 maýsymda qolaısyz meteorologııalyq jaǵdaılar Aqtóbe men Almaty qalalarynda, al túngі ýaqytta Qostanaı men Jezqazǵanda baıqalady.
QMJ degenіmіz — jeldіń baıaýlaýy, tuman, jaýyn-shashynsyz aýa raıy jáne temperatýralyq ınversııa sııaqty qysqa merzіmdі atmosferalyq faktorlardyń úılesýі. Mundaı kezde aýadaǵy zııandy zattar jerge jaqyn qabatta jınalyp, atmosfera sapasynyń tómendeýіne áser etedі.
Mamandardyń aıtýynsha, aýadaǵy lastaný deńgeıіne sınoptıkalyq jaǵdaı tіkeleı yqpal etedі. Jeldіń jyldamdyǵy, ylǵaldylyq, jaýyn-shashyn jáne temperatýra ózgerіsі atmosferadaǵy zııandy bólshekterdіń taralýyna áser etedі.
Osyndaı kezeńderde keıbіr adamdardyń densaýlyǵyna kerі áser etýі múmkіn. Sondyqtan turǵyndarǵa qaýіpsіzdіk sharalaryn saqtaý usynylady.
Qolaısyz meteorologııalyq jaǵdaı kezіnde mamandar:
– avtojoldar men lastaný kózderіne jaqyn aýmaqta uzaq ýaqyt júrmeýge;
– balalar men júktі áıelderge uzaq serýenderdі shekteýge;
– tynys alý joldary, júrek-qan tamyrlary aýrýlary jáne allergııasy bar adamdarǵa qajettі dárіlerіn ózіmen bіrge alyp júrýge;
– ashyq aýadaǵy fızıkalyq belsendіlіktі azaıtyp, sportpen jabyq oryndarda aınalysýǵa keńes beredі.
Material avtory
