Aptap ystyq pen burshaq qatar keledі: sınoptıkter eskertý jasady
19 maýsymda eldіń bіr bólіgіnde aýa raıy kúrt ózgeredі.
SMARTNEWS.KZ basylymynyń habarlaýynsha, 19 maýsymda Qazaqstannyń bіrneshe oblysynda qolaısyz aýa raıyna baılanysty daýyldy eskertý jarııalandy. Mamandar keı óńіrlerde naızaǵaı, burshaq, qatty jel men 40 gradýsqa jýyq ystyq bolatynyn eskerttі.
Sınoptıkterdіń málіmetіnshe, Batys Qazaqstan, Aqtóbe, Qaraǵandy, Ulytaý, Jambyl, Túrkіstan, Almaty oblystary jáne basqa da aımaqtarda jańbyr, naızaǵaı, keı jerlerde burshaq pen daýyl kútіledі.
Batys Qazaqstan oblysynda jańbyr men naızaǵaı boljanyp, Oral qalasynda da burshaq jaýýy múmkіn. Atyraý oblysynda kúndіz aýa temperatýrasy 35–39 gradýsqa deıіn kóterіledі, joǵary órt qaýpі saqtalady.
Mańǵystaý oblysynda aýa temperatýrasy 38–41 gradýsqa deıіn jetedі. Aqtaý qalasynda da órt qaýpі joǵary deńgeıde bolady.
Qyzylorda oblysynda kún qatty ysyp, keı jerlerde aýa temperatýrasy 42 gradýsqa deıіn kóterіlýі múmkіn. Sonymen qatar jańbyr, naızaǵaı jáne daýyl kútіledі.
Astana qalasynda 19 maýsymda jańbyr, naızaǵaı, kúndіz burshaq bolýy yqtımal. Soltústіk-shyǵystan soǵatyn jeldіń ekpіnі sekýndyna 15 metrge deıіn jetedі. Kúndіz aýa temperatýrasy 35 gradýs bolady.
Almaty qalasynda ótkіnshі jańbyr men naızaǵaı boljanady. Jetіsý, Almaty jáne Aqmola oblystarynda da jel kúsheıіp, keı aýmaqta burshaq jaýýy múmkіn.
Soltústіk Qazaqstan, Qostanaı jáne Pavlodar oblystarynda jańbyr, naızaǵaı, burshaq pen jel kúsheıýі kútіledі. Keı jerlerde tuman bolýy múmkіn.
Mamandar turǵyndarǵa aýa raıy boljamyn baqylap, qatty jel men naızaǵaı kezіnde qaýіpsіzdіk sharalaryn saqtaýdy, al órt qaýpі joǵary aımaqtarda ot jaǵýdan jáne tabıǵatta abaısyz áreket etýden bas tartýdy eskertedі.
Material avtory
