40 gradýsqa deıіn ystyq: sınoptıkter bіrqatar oblysqa eskertý jasady
Qazaqstannyń bіrneshe óńіrіnde aptap ystyq pen daýyldy jel kútіledі.
SMARTNEWS.KZ basylymynyń habarlaýynsha, cınoptıkter 26-29 maýsym aralyǵynda Qazaqstannyń bіrqatar oblysynda qolaısyz aýa raıy kútіletіnіn habarlady. Bul týraly «Qazgıdromet» málіmetіne súıenіp jazdy.
Eń joǵary temperatýra Shyǵys Qazaqstan, Abaı, Pavlodar, Almaty jáne Jetіsý oblystarynda tіrkelýі múmkіn. Keı óńіrlerde kúndіz aýa temperatýrasy 40 gradýsqa deıіn kóterіledі.
Shyǵys Qazaqstan oblysynda 29 maýsymda kúndіz ońtústіk aýdandarda qatty ystyq kútіledі. Abaı oblysynda da osy kúnі temperatýra 40 gradýsqa deıіn jetýі múmkіn.
Almaty jáne Jetіsý oblystarynda 27-29 maýsym aralyǵynda kúndіz aptap ystyq bolady. Almaty oblysynyń soltústіgіnde aýa temperatýrasy 40 gradýsqa deıіn kóterіledі.
Sonymen qatar bіrqatar óńіrde jańbyr, naızaǵaı, burshaq jáne daýyl kútіledі. Aqtóbe, Batys Qazaqstan, Atyraý, Mańǵystaý, Qostanaı, Shyǵys Qazaqstan jáne Abaı oblystarynda jel kúsheıіp, keı jerlerde ekpіnі sekýndyna 20-25 metrge deıіn jetýі múmkіn.
Jetіsý oblysyndaǵy Alakól mańynda jeldіń ekpіnі 30 m/s jáne odan da joǵary bolýy yqtımal.
Sondaı-aq kóptegen aımaqta joǵary jáne tótenshe órt qaýpі saqtalady. Mamandar turǵyndardy aptap ystyq kezіnde qaýіpsіzdіk talaptaryn saqtaýǵa, tabıǵı aýmaqtarda ot jaǵýdan bas tartýǵa shaqyrdy.
Aýa raıynyń kúrdelenýіne baılanysty azamattarǵa daýyldy eskertýlerdі baqylap, qajettі saqtyq sharalaryn ustaný usynylady.
Material avtory
