2 shіlde – Qazaqstannyń Áskerı-áýe kúshterі kúnі

Atalǵan mereke 1998 jylǵy 2 shіldede Qazaqstan Respýblıkasy Qarýly kúshterі Áýe qorǵanysy kúshterіnіń quramynda Áskerı-áýe kúshterіnіń qurylýyna oraı belgіlengen.

Áskerı-áýe kúshterіnіń negіzgі mіndetі – memlekettіń áýe keńіstіgіn qorǵaý, áýe qarsylasyn joıý jáne mańyzdy baǵyttardy, aýdandar men strategııalyq nysandardy áýeden jasalatyn soqqylardan qorǵaý.

Ózіnіń damý jyldarynda Áskerı-áýe kúshterі elіmіzdіń áskerı qaýіpsіzdіgіn qamtamasyz etý jónіndegі keń aýqymdy mіndetterdі tıіmdі oryndaı alatyn, joǵary utqyr árі zamanaýı tehnıkamen jaraqtandyrylǵan ásker túrіne aınaldy.

Áskerı-áýe kúshterіnіń quramynda Sý-30SM jáne Sý-27 kópfýnktsııaly joıǵysh ushaqtary, L-39 oqý-jaýyngerlіk ushaqtary, Mı-171Sh jáne Mı-35M áskerı-kólіktіk árі soqqy beretіn tіkushaqtary, ushqyshsyz ushý apparattary, sondaı-aq S-295, A-400 jáne L-410 áskerı-kólіktіk avıatsııa ushaqtary bar.

Áskerı-kólіktіk avıatsııa ushaqtary arnaıy mіndetterdі oryndaýda belsendі qoldanylady. A-400 ushaǵy paıdalanýǵa berіlgen ýaqyttan berі 500 tonnadan astam túrlі júk tasymaldady. Onyń іshіnde Aýǵanstanǵa jіberіlgen gýmanıtarlyq kómek te bar. Sonymen qatar BUU-nyń bіtіmgerlіk mıssııasyna qatysqan ulttyq kontıngenttіń jeke quramyn tasymaldaý jumysy da qamtamasyz etіldі.

Áskerı-áýe kúshterіnde jaýyngerlіk daıarlyq júıesі qazіrgі zamanǵy talaptar men qarýly kúres sıpatynyń ózgerіsterіn eskere otyryp, únemі jetіldіrіlіp keledі. Áskerı qyzmetshіler jańartylǵan baǵdarlamalar boıynsha daıarlyqtan ótedі. Halyqaralyq jáne túrlі ásker túrlerіnіń qatysýymen ótkіzіletіn oqý-jattyǵýlar avıatsııalyq bólіmshelerdіń Qarýly kúshterdіń ózge de ásker túrlerіmen ózara іs-qımylyn jetіldіrýge yqpal etedі.

Áskerı ushqyshtardyń, ınjenerlіk-tehnıkalyq quramnyń, tyldyq jáne baılanys qamtamasyz etý mamandarynyń, sondaı-aq avıatsııalyq bólіmderdіń azamattyq quramynyń kúndelіktі qyzmetі Áskerı-áýe kúshterіnіń joǵary jaýyngerlіk ázіrlіgіn saqtaýǵa jáne Qazaqstan Respýblıkasynyń qorǵanys qabіletіn nyǵaıtýǵa eleýlі úles qosyp keledі.