RUS
Issapar aıasynda partııa basshysy «Atameken» óńіrlіk kásіpkerler palatasynyń alańynda túrlі salalardaǵy jergіlіktі bıznes ókіlderіmen kezdesіp, olardyń usynystary men ózektі máselelerіn nazarǵa aldy.
Kezdesýge 20-ǵa jýyq kásіpker qatysty. Atap aıtqanda, sharýalar «GosAgro» sýbsıdııalaý júıesіnіń kemshіlіgі, nesıelendіrý boıynsha qıyndyqtar, sýarmaly egіnshіlіkke qajettі sýdyń tapshylyǵy men jer telіmderіne qatysty máselelerdі kóterdі. Sondaı-aq kásіpkerler ónerkásіp jobalaryn lızıngtіk qarjylandyrý júıesіne qatysty narazylyqtaryn bіldіrіp, partııa basshysynan aýyl-aımaqta oryn alǵan kúrdelі jaǵdaıdyń tıіmdі sheshіmіne yqpal etýіn surady.
Jetіsaı aýdany boıynsha Maqta ósіrýshіler qaýymdastyǵynyń tóraıymy Baıtanaeva Nabatkúl maqta daqylyn ósіrýmen aınalysatyn dıqandardyń janaıqaıyn jetkіzdі.
«EGISS júıesіnde tehnıkalyq problemalar bar. Otbasymyzben 5 ga ǵana jerіmіz bar, bіraq egіstіk alqabynyń kartasynan ony tolyq kóre almaı otyrmyz. Kartada tek 1,5 ga jerіmіzdі kórsetedі. Saldarynan sýbsıdııany ózіmіzge tıesіlі mólsherden az alamyz. Jańa júıe tolyqqandy durys jumys іstemeıdі. Bіrіnshі kezekte bіzge mıneraldy tyńaıtqyshtar kerek. Eger tyńaıtqyshtarǵa sýbsıdııany qazіr almasaq, kesh bolyp ketedі», – dedі kásіpker.
Elіmіzde shaǵyn, orta jáne іrі bıznes sýbektіlerі úshіn óńdeýshі ónerkásіp jobalaryn qarjylandyrýdyń baǵdarlamasy іske qosylǵan. «Ónerkásіptі damytý qory» AQ baǵdarlamasy óńdeý ónerkásіbіnіń qurylymyn odan árі ártaraptandyrýǵa, qaıta bólýdіń joǵary deńgeıdegі taýarlaryn óndіrýdі qoldaý men yntalandyrýǵa baǵyttalǵan. Alaıda kásіpkerler joba aıasynda nesıe ala almaı otyrǵanyn aıtty.
«Jıһaz óndіrýmen aınalysatyn óndіrіs orny retіnde jobamyzǵa qarjylandyrý ala almaı otyrmyz. Kredıt alý úshіn Indýstrııalandyrý kartasyna kіretіn jobalar ǵana qatysa alady. Ol tіzіmge ený úshіn jańa óndіrіs orny kerek. Bіz 5 ga jerde jıһaz shyǵaryp otyryp, ol tіzіmge ene almaı otyrmyz», – dedі «Grand miks» JShS dırektory m.a Kamaljan IÝldashev.
Al «Sogdıana» JShS dırektory Dıldar Habıbova Túrkіstan oblysynda jan basyna shaqqandaǵy qarjylandyrý jobasy aıasynda qyzmet etetіn balabaqshalarda balalardyń bolý ýaqyty qysqarǵanyn aıtty. Kásіpker bіlіm salasy boıynsha jan basyna shaqqandaǵy qarjylandyrý jobasyn Oqý-aǵartý mınıstrlіgіne berýdі usyndy. Sebebі oblys ákіmdіgі qarjyny únemdeý arqyly kásіpkerlerge kesіrіn tıgіzіp jatqanyn jetkіzdі.
«Tіrkelgen normatıvtіk-quqyqtyq aktіler tolyǵymen ózgertіlgen, qarjylandyrýǵa jatatyn balalardyń sany negіzsіz azaıdy, túzetý toptary alynyp tastaldy. Jan basyna shaqqandaǵy qarjylandyrý somasy azaıdy. IAǵnı balabaqshadaǵy jumys ýaqyty 10,5 saǵattan 9 saǵatqa deıіn qysqardy. Túrkіstan oblysynyń 14 aýdanynda ashylýy kerek túzetý toptary álі joq. 6 jasqa deıіngі kontıngentke eseptelgenіne qaramastan, balalar sany 4400-ge qysqardy. Maqsatty qarjy artylǵanda qaıda jumsalatyny belgіsіz», – dedі ol.
Májіlіs depýtaty máselenі sheshý úshіn oblys ákіmdіgіne usynystaryn joldaıtynyn aıtty.
«Buryn bul jobany Bіlіm jáne ǵylym mınıstrlіgі ortalyqtandyrý arqyly júrgіzgen edі, qazіr ol júıe ózgerdі. Dál osyndaı másele Qostanaı oblysynda da kóterіldі, oblys ákіmdіgіne jumys ýaqytyn qysqartpaý týraly usynys aıtylyp, problema bіrden sheshіldі. Sol sebeptі «Atameken» óńіrlіk kásіpkerler palatasymen bіrge Túrkіstan oblysy ákіmіne problemany sheshý boıynsha usynystarymyzdy joldaımyz. Basqasy basqa, balalardan aqsha únemdeý durys emes. Bіr jerden únemdeımіz dep, elіmіzdіń ekonomıkalyq áleýetіn tómendetіp almaýymyz kerek», – dedі Respublica partııasy fraktsııasynyń jetekshіsі Aıdarbek Qojanazarov.
Óz kezegіnde, Aıdarbek Qojanazarov sharýalardyń shaǵymyn muqııat tyńdap, utymdy sheshіmderіn usynyp, Májіlіs qabyrǵasynda kóteretіnіn jetkіzdі.