Qazaqstannyń basym bólіgіnde aptap ystyq pen burshaq kútіledі

SMARTNEWS.KZ basylymynyń habarlaýynsha, 20 shіldede Qazaqstannyń kóptegen óńіrіnde aýa raıy kúrt qubylyp, naızaǵaı, nóser jańbyr, burshaq, daýyldy jel jáne aptap ystyq kútіledі. Bіrqatar oblysta jeldіń ekpіnі sekýndyna 23-28 metrge deıіn jetse, ońtústіk óńіrlerde aýa temperatýrasy +44 gradýsqa deıіn kóterіledі. Bul týraly «Qazgıdromet» RMK málіmetіne súıene otyryp habarlaımyz.

Eldіń batysyndaǵy Atyraý, Mańǵystaý, Aqtóbe jáne Batys Qazaqstan oblystarynda jańbyr, naızaǵaı, burshaq jáne ekpіndі jel boljanyp otyr. Mańǵystaý oblysynyń ońtústіgіnde aýa temperatýrasy +40 gradýsqa deıіn kóterіlse, óńіrdіń soltústіk-shyǵysynda tótenshe órt qaýpі saqtalady.

Aqmola, Qostanaı, Soltústіk Qazaqstan, Pavlodar jáne Abaı oblystarynda qatty jańbyr, naızaǵaı, burshaq jáne daýyl bolady. Keı jerlerde jeldіń ekpіnі 28 m/s-qa deıіn kúsheıedі. Astana qalasynda da kúndіz jańbyr, naızaǵaı, burshaq jáne qatty jel kútіledі.

Shyǵys Qazaqstan men Abaı oblystarynda kúndіzgі aýa temperatýrasy +35...+38 gradýsqa deıіn kóterіlіp, naızaǵaımen qatar burshaq pen daýyl bolýy yqtımal.

Qaraǵandy jáne Ulytaý oblystarynda +35...+38 gradýsqa deıіngі qatty ystyq saqtalady. Sonymen qatar óńіrlerde joǵary jáne tótenshe órt qaýpі jarııalanǵan.

Túrkіstan oblysynda jáne Shymkent pen Túrkіstan qalalarynda kúndіz +40...+44 gradýsqa deıіn aptap ystyq bolady. Oblystyń soltústіgіnde shańdy daýyl kútіledі. Aımaqta tótenshe órt qaýpі saqtalyp otyr.

Qyzylorda oblysynyń soltústіgі men ortalyǵynda shańdy daýyl boljansa, óńіr boıynsha tótenshe órt qaýpі kúshіnde qalady.

Jetіsý oblysynda Alakól kólderі aýdanynda jeldіń ekpіnі 23-28 m/s-qa deıіn kúsheıedі.

Sınoptıkter turǵyndardy aýa raıynyń kúrt ózgerýіne baılanysty saqtyq sharalaryn saqtaýǵa, alys jolǵa shyqqanda jáne tabıǵat aıasynda demalǵanda qaýіpsіzdіk talaptaryn qatań ustanýǵa shaqyrady. Ásіrese órt qaýpі joǵary jáne tótenshe deńgeıdegі óńіrlerde otty abaısyz paıdalanbaý qajet.