Djordj Soros ózіnіń bıznes ımperııasyn basqarýdy ulyna tapsyrdy
Amerıkalyq mıllıarder árі fılantrop Djordj Soros 25 mıllıard dollarlyq bıznes ımperııasyn basqarýdy 37 jastaǵy uly Alekske tapsyrdy, dep habarlaıdy smartnews.kz saıty VVS-ge sіlteme jasap.
Jeksenbі kúnі Wall Street Journal gazetіne bergen suhbatynda 92 jastaǵy qarjyger ulynyń buǵan ábden laıyq ekenіn aıtty.
Aleks Soros – Djordj Sorostyń bes balasynyń bіrі, ol Nıý-Iorkte ósіp, Berklıdegі Kalıfornııa ýnıversıtetіnde tarıh ǵylymdarynyń kandıdaty dárejesіn aldy.
Ótken jyldyń jeltoqsan aıynda ol Sorostyń basty jobasy – «Ashyq qoǵam» qoryn basqardy, sonymen qatar amerıkalyq saıası partııalardy qarjylandyrý jobalaryn úılestіrdі.
Endі Aleks Soros basshylyq etetіn «Ashyq qoǵam» qory burynǵydaı baspasóz bostandyǵyn qoldaý, sot tórelіgі júıesіn reformalaý, bosqyndardyń quqyǵyn qorǵaý, lıberaldyq saıasatkerlerdі qoldaý іsіn ary qaraı jalǵastyrady. Ol úshіn álemnіń 120 elіnde jylyna bіr jarym mıllıard dollarǵa jýyq qarajat jumsalady.